Chapit 48
Lapè nan Amerik la
Apre Jezi te retounen nan syèl la, disip li yo te tabli Legliz li a nan tout peyi a.
Moun ki te repanti pou peche yo te batize epi yo te resevwa Sentespri a.
Anvan lontan, tout Nefit ak Lamanit yo te vin konvèti. Yo pa t fè dispit ankò epi tout moun te onèt.
Pa t gen rich ni pòv. Moun yo te pataje tout bagay, epi tout te gen sa yo te bezwen.
Disip yo te akonpli anpil mirak nan non Jezikri. Yo te geri malad epi yo te fè moun mouri rejwenn lavi.
Moun yo te konstwi nouvo vil kote lòt yo te detwi yo.
Yo te obeyi kòmandman Bondye yo. Yo te jene ak priye epi reyini ansanm souvan pou yo te tande pawòl Bondye a.
Moun yo te gen kè kontan.
Pa t gen okenn vòlè, ni mantè, ni asasen. Moun yo pa t divize an Nefit ak Lamanit ankò men yo tout sete pitit Bondye.
Senyè a te beni moun yo nan tout sa yo te antreprann.
Yo te viv nan lapè pandan 200 zan. Moun yo te vin rich anpil.