Chapit 42

Siy sou Krisifiksyon Kris la

Tranntwazan te pase depi moun yo te wè siy sou nesans Jezikri yo.

3 Nefi 8:2

Kounyea yo t ap siveye siy sou lanmò l yo; twa jou fènwa yo.

3 Nefi 8:3

Kèk nan yo pa t kwè ke siy yo t ap parèt. Yo te diskite avèk moun ki te kwè yo.

3 Nefi 8:4

Yon jou yon gwo tanpèt te leve. Te gen yon van terib.

3 Nefi 8:5–6

Zeklè t ap flache, epi loray t ap souke tout tè a.

3 Nefi 8:6–7

Vil Zarayemla a te pran dife. Vil Mowoni an te plonje antre anba lanmè a. Vil Mowoniya a te antere.

3 Nefi 8:8–10

Yon tranblemandtè te sekwe tout tè a nèt. Wout prensipal yo te demoli, epi batiman yo te kraze. Anpil vil te detwi, epi anpil moun te mouri.

3 Nefi 8:12–15

Tanpèt la ak tranblemandtè a te dire prèske twazèdtan.

3 Nefi 8:19

Lè tanpèt ak tranblemandtè a te sispann, yon fènwa epè te kouvri peyi a. Pa t gen limyè okenn kote. Moun yo te ka menm santi fènwa a.

3 Nefi 8:19–20

Fènwa a te dire twa jou. Balèn pa t ka limen, epi moun yo pa t ka wè solèy, lalin, ni zetwal yo.

3 Nefi 8:21–23

Moun yo te rele akoz fènwa a, destriksyon an, ak lanmò. Yo te regrèt paske yo pa t repanti pou peche yo.

3 Nefi 8:23–25

Apresa moun yo te tande vwa Jezikri.

3 Nefi 9:1, 15

Jezi te pale yo de destriksyon terib ki te fèt nan peyi a. Li te di yo ke moun pi mechan yo te mouri.

3 Nefi 9:12–13

Li te di yo ke moun ki pa t mouri yo te bezwen repanti. Si yo te fè sa epi yo te vinn jwenn ni, li t ap beni yo.

3 Nefi 9:13–14

Moun yo te sitèlman sezi lè yo te tande vwa a ke yo te sispann rele. Tout bagay te fè silans pandan plizyè èdtan.

3 Nefi 10:1–2

Apresa Jezi te pale ankò, pou l te di ke l te souvan eseye ede moun yo. Si yo te vle repanti kounyea, yo te ka toujou tounen vin jwenn ni.

3 Nefi 10:3–6

Apre twa jou, fènwa a te disparèt. Moun yo te rejwi epi yo te remèsye Senyè a ak lajwa.

3 Nefi 10:9–10