Chapit 24
Amon rankontre papa Wa Lamoni
Wa Lamoni te vle mennen Amon rankontre papa li. Senyè a te avèti Amon pou l pa t ale paske papa Lamoni ta pral eseye touye li.
Senyè a te di Amon pou l tal nan peyi Middoni a olyesa, kote frè li, Aawon, te nan prizon. Wa Lamoni te ale avèk Amon.
Pandan yo t aprale a, yo te rankontre papa Wa Lamoni, ki sete wa sou tout peyi a. Li te mande Lamoni kote l ta prale avèk yon Nefit mantè.
Wa Lamoni te pale papa l de Amon ak frè l la ki te nan prizon. Ankòlè, papa Lamoni te bay Lamoni lòd pou l te touye Amon epi pou l pa t ale Middoni.
Lamoni te refize touye Amon epi l te di ke limenm ak Amon ta pral libere Aawon. Papa Lamoni te vin pi fache toujou epi l te rale epe l pou l te touye Lamoni.
Amon te entèvni pou pwoteje Lamoni. Papa Lamoni te eseye touye Amon apresa, men Amon te defann tèt li, epi l te blese papa Lamoni nan bra.
Lè papa Lamoni te wè ke Amon te ka touye li, li te ofri Amon mwatye nan wayòm ni an si l te epanye lavi li.
Amon te di l ke l te bezwen pou Aawon ak konpayon li yo libere soti nan prizon epi l te vle pou Wa Lamoni konsève wayòm ni.
Papa Lamoni te reyalize ke Amon pa t vle fè l ditò. Li te etone wè kijan Amon te renmen pitit gason l lan. Li te envite Amon pou anseye l levanjil la.
Amon ak Wa Lamoni te ale Middoni. Lamoni te pale avèk wa nan kote sa a, epi yo te libere Aawon ak konpayon l yo soti nan prizon.
Amon te tris pou wè kijan yo pa t byen trete yo. Yo te soufri anpil men yo te pasyan.