Chapit 41

Siy sou nesans Kris la

Nefi bay pitit gason li anal yo

Nefi, pitit gason Elaman an, te bay Nefi, pi gran pitit gason l lan anal sakre yo ak ekriti yo.

3 Nefi 1:2

moun k ap pale

Nefit yo te wè gwo siy ak mirak ke pwofèt yo te di ki t ap rive avan nesans Jezikri yo.

3 Nefi 1:4

gason ka p souri

Men kèk Nefit te di ke tan nesans Jezi a te deja pase. Yo te pase moun ki te toujou kwè pwofesi Samyèl Lamanit yo nan betiz.

3 Nefi 1:5–6

gason ka p koute gason ki aje

Moun ki te kwè nan Jezikri ak nan pwofèt yo te tris lè yo t ap panse ke yon bagay ta ka anpeche pwofesi yo akonpli.

3 Nefi 1:7

fanmi ap gade anlè

Moun yo te fidèlman ap tann yon nuit san fènwa, ki sete siy ke Jezikri t ap fèt la.

3 Nefi 1:8

moun ka p konplote

Moun ki pa t kwè nan Jezikri yo te chwazi yon jou pou yo te touye kwayan yo si siy nan pat rive.

3 Nefi 1:9

Nefi

Nefi te tris poutèt mechanste moun sa yo ki pa t kwè nan Sovè a.

3 Nefi 1:10

Nefi ap priye

Nefi te priye tout jounen pou moun yo ki ta pral pèdi lavi yo.

3 Nefi 1:11–12

Nefi

Senyè a te rekonfòte Nefi epi l te di l ke pa t ap gen fènwa nan nuit sa a. Jezi t ap pran nesans nan demen nan Betleyèm.

3 Nefi 1:13

fanmi k ap gade kouche solèy

Nuit sa a, solèy la te desann, men li pa t fè nwa. Siy nesans Jezikri a te rive. Moun yo te etone.

3 Nefi 1:15

moun mechan atè

Moun ki te planifye pou yo te touye kwayan yo te tonbe atè epi se kòmsi yo te mouri.

3 Nefi 1:16

de moun

Yo te pè paske yo te konn fè mechanste. Kounyea yo te konnen ke Sovè a te pran nesans epi pwofèt yo te gen rezon.

3 Nefi 1:17–18

gèrye yo nan chantye

Li te fè klè pandan tout nuit la. Lè solèy la te leve nan demen, moun yo te konnen ke Jezikri te pran nesans jou sa a. Pwofesi yo te akonpli.

3 Nefi 1:19–20

moun k ap gade nouvo zetwal la

Yon nouvo zetwal te parèt nan syèl la, jan pwofèt yo te di sa t ap fèt la.

3 Nefi 1:21

fi ak gason k ap gade anlè

Satan te toujou ap eseye fè moun pa t kwè siy yo te wè yo, men pifò nan yo te kwè.

3 Nefi 1:22

Nefi ap batize gason

Nefi ak lòt dirijan Legliz yo te batize tout moun ki te kwè epi k te repanti yo.

3 Nefi 1:23

moun nan vil

Te gen bòn nouvèl nan peyi a paske pawòl pwofèt yo te akonpli. Jezikri te fèt.

3 Nefi 1:26