Chapit 26

Pèp Amon an

Pitit gason Mozya yo te anseye Lamanit yo levanjl la. Dèmilye Lamanit te repanti epi yo te rantre nan Legliz la.

Alma 23:4–5

Lamanit sa yo ki te rantre nan Legliz la te rele tèt yo Anti-Nefi-Leyi, oswa pèp Amon an. Yo te bon moun ki te travay di.

Alma 23:17–18; 27:26

Lamanit ki pa t repanti yo te fache kont pèp Amon an epi yo te prepare pou t al goumen avèk yo.

Alma 24:1–2

Pèp Amon an te konnen ke Lamanit mechan yo t ap vini pou touye yo men yo te deside pou yo pa t goumen kont yo. Yo te repanti pou asasina yo te konn komèt yo.

Alma 24:5–6

Yo te antere zàm yo fon anba tè a epi yo te pwomèt Bondye pou yo pa t janm touye moun ankò.

Alma 24:17–18

Lè Lamanit mechan yo te vini epi yo te kòmanse touye yo, yo te bese tèt yo atè epi yo te priye.

Alma 24:21

Lè yo te wè pèp Amon an pa t riposte, anpil nan Lamanit mechan yo te sispann touye yo.

Alma 24:23–24

Lamanit yo te regrèt ke yo te touye yo. Yo te voye zàm yo jete epi yo te ini yo ak pèp Amon an. Yo pa t sou batay ditou ankò.

Alma 24:24–27

Plis Lamanit te vini pou touye pèp Amon an. Yo te toujou pa goumen kont yo, epi anpil te mouri.

Alma 27:2–3

Paske li pa t vle pèp li te renmen an detwi, Amon te priye pou l te jwenn èd. Senyè a te di l pou l te pran pèp li a epi kite peyi a.

Alma 27:4–5, 10–12

Nefit nan Zarayemla yo te bay Amon ak pèp li a peyi Jèchon an epi yo te pwoteje yo. Yo te vin zanmi.

Alma 27:22–23