Chapit 30
Alma bay pitit gason l yo konsèy
Alma pa t kontan akoz jan Nefit yo te vin mechan. Li te pale avèk chak nan pitit gason l yo konsènan viv nan ladwati.
Alma te di Elaman, pi gran pitit gason l lan, pou l te gen konfyans nan Bondye. Li te pale l konsènan zanj la Bondye te voye pou l te di Alma pou l te sispann detwi Legliz la.
Pandan twa jou Alma te soufri akoz kilpabilite li. Apresa, li te sonje ansèyman papa l yo konsènan Jezi, epi l te konnen peche l yo te ka padone.
Alma te priye pou l te jwenn padon, epi lajwa te ranplase doulè nan nanm ni an. Li te jwenn padon paske l te gen lafwa nan Jezikri epi l te repanti.
Apati moman sa a, Alma te anseye lòt moun levanjil la pou yo te ka santi menm lajwa l te santi a. Bondye te beni Alma akoz konfyans li nan Bondye.
Alma te bay Elaman anal sakre yo epi l te di l pou l te kontinye ekri istwa pèp yo a.
Alma te di l ke si l te kenbe kòmandman yo, Bondye t ap beni li epi ede l t ap pwoteje anal yo.
Alma te di Elaman tou pou l te priye chak maten ak chak swa epi pou l te pale avèk Bondye konsènan tout sa l t ap fè pou Bondye te ka ede l ak gide li.
Alma te kontan avèk pitit gason li, Chiblon, ki te yon misyonè brav kay Zoramit yo. Chiblon te rete fidèl menm lè yo te voye wòch sou li.
Alma te raple Chiblon ke sèl fason pou yon moun sove se atravè Jezikri. Apresa, Alma te ankouraje pitit gason l lan pou l te kontinye anseye lavanjil la.
Pitit gason Alma a, Koryanton, pa t kenbe kòmandman yo. Li pa t yon misyonè fidèl pandan l t ap anseye Zoramit yo.
Akoz desa Koryanton te fè, Zoramit yo pa t kwè nan ansèyman Alma yo.
Alma te di Koryanton ke moun pa ka kache peche yo devan Bondye epi ke Koryanton te bezwen repanti.
Alma te anseye pitit gason l lan ke tout moun ap resisite men se sèlman jis yo ki pral viv avèk Bondye.
Alma te di, lavi sa a se moman pou moun yo repanti epi sèvi Bondye.
Alma te raple Koryanton ke l te aple pou l te yon misyonè epi l te di l pou l te retounen kote Zoramit yo epi anseye pèp la pou l repanti.
Alma ak pitit gason l yo te kontinye anseye levanjil la. Yo te anseye avèk pouvwa prètriz la.