Chapit 21

Amlisit yo

Amlisi sete yon mesye plen lariz ak mechan ki te vle vin wa Nefit yo. Li te gen anpil moun ki t ap suiv li.

Alma 2:1–2

Nefit jis yo pa t vle pou Amlisi vin wa yo. Yo te konnen li te vle detwi Legliz Bondye a.

Alma 2:3–4

Nefit yo te fòme diferan gwoup pou yo te ka deside si Amlisi ta dwe vin wa. Pifò nan moun yo te vote kont Amlisi epi li pa t vin wa.

Alma 2:5–7

Amlisi ak moun ki ta p suiv li yo te vin ankòlè. Yo te kite Nefit yo, yo te chwazi Amlisi pou wa yo, epi yo te rele tèt yo Amlisit. Amlisi te ba yo lòd pou yo te konbat Nefit yo.

Alma 2:8–11

Nefit jis yo te prepare yo pou yo te defann tèt yo avèk lans ak flèch, epe, ak lòt zam.

Alma 2:12

Amlisit yo te atake, epi Nefit yo, ki te dirije pa Alma epi fòtifye pa Senyè a, te touye anpil nan yo. Rès Amlisit yo te pete kouri.

Alma 2:15–19

Alma te voye espyon pou siveye Amilisit yo. Espyon yo te ini yo avèk yon gwo lame Lamanit epi yo te atake Nefit ki tap viv toupre Zarayemla yo.

Alma 2:21, 24–25

Nefit yo te priye, epi Bondye te ede yo ankò. Yo te touye anpil sòlda nan lame Lamanit-Amlisit la.

Alma 2:28

Alma ak Amlisi te batay youn ak lòt avèk epe. Alma te priye pou lavi l te epaye, epi Bondye te ba l fòs pou l te touye Amlisi.

Alma 2:29–31

Nefit yo te chase Lamanit yo ak Amlisit yo ale nan dezè a. Anpil nan sa k te blese yo te mouri epi bèt sovaj te manje yo.

Alma 2:36–38

Tankou Lamanit yo, Amlisit yo te make tèt yo an wouj, sa ki te akonpli yon pwofesi. Amlisit yo te separe tèt yo de benediksyon levanjil yo.

Alma 3:4, 14, 18–19