Chʼol 47

Eb’ laj Santil Paab’anel neke’el chaq Missouri

Hab’alq’e re 1839

Naq wan sa’ tz’alam laj Jose, li teneb’ank re xb’eresinkileb’ laj Santil Paab’anel kik’ehe’ sa’ xb’een laj Brigham Young, jun reheb’ li apostol. Kixb’aanu jun ch’utam re xyeeb’al reheb’ laj Santil Paab’anel naq tento te’xkawresi rib’ re te’elq chaq Missouri. Neb’a’eb’ lix k’ihaleb’ laj Santil Paab’anel ut maak’a’eb’ xb’eleb’aal chi moko xkawaay. Li winq sa’ li ch’utam ke’xye naq te’xtenq’aheb’ chi q’axonk laj Santil Paab’anel li neb’a’eb’.

Eb’ laj Santil Paab’anel ke’ok chi elk chaq Missouri sa’ febrero re 1839, sa’ xq’ehil li kutan q’axaleb’ ke. Kiyehe’ reheb’ naq chaab’ileb’ tana’ xch’ool li tenamit sa’ li estado Illinois, jo’kan naq ke’b’eek 320 kiloom sa’ xjayal li rokeb’aal saq’e toj li estado Illinois. Naab’al reheb’ xkoheb’ sa’ jun k’aleb’aal, Quincy xk’ab’a’, b’ar wi’ chaab’ileb’ xch’ool li tenamit li ke’xk’e reheb’ ochochnal, tzakemq, ut trab’aaj.

Li Gobernador Boggs ut eb’ li ramiiw ke’saho’ sa’ xch’ool rik’in naq eb’ laj Santil Paab’anel ke’el chaq Missouri.