Chʼol 59
Eb’ li tiqib’aak neke’b’aanuman sa’ li Santil Ochoch re Nauvoo
Noviembre re 1845–febrero re 1846
Chirix xkamik laj Jose Smith, eb’ laj Santil Paab’anel ink’a’ ke’xkanab’ xyiib’ankil li Santil Ochoch re Nauvoo. Li Qaawa’ xyehom reheb’ naq te’xyiib’ li santil ochoch, ut ke’raj ab’ink chiru. Eb’ laj Santil Paab’anel ke’xb’aanu naab’al re li k’anjel a’in sa’ xq’ehil ajwi’ naq rahob’tesinb’ileb’ ut ke’xnaw naq sa’ junpaat chik tento te’elq chaq Nauvoo.
Naq yoo chi tz’aqlok ru li junjunq na’ajej sa’ li santil ochoch, eb’ laj Santil Paab’anel ke’xk’ojob’ ut ke’ok roksinkil. Li kub’iha sa’ xk’ab’a’eb’ li kamenaq ke’b’aanuman chalen chaq 1841, naq tz’aqlojenaq li na’ajej choq’ re a’an. Sa’ noviemebre re 1845, naab’al reheb’ li na’ajej chi tzuul sa’ li santil ochoch yaalo’jenaqeb’ chik ut ke’k’ojob’aak re naq eb’ laj Santil Paab’anel te’xk’ul li loq’laj k’ojob’anb’il k’anjel re li tiqib’aak (chi’ilmanq ajwi’ Chʼol 50).
Rik’in naq eb’ laj Santil Paab’anel jwal ke’raj xk’ulb’al li k’ojob’anbil k’anjel re li santil ochoch, ke’roksi li santil ochoch chi kutan ut chi q’eq. Chiruheb’ li xamaan rub’elaj naq eb’ laj Santil Paab’anel te’elq chaq Nauvoo, laj Brigham Young ut jalaneb’ chik ke’xq’axtesi chixjunileb’ xhoonal re xtenq’ankileb’ chixk’ulb’aleb’ li k’ojob’anb’il k’anjel a’in. Naq kiwulak xq’ehil li relikeb’ laj Santil Paab’anel, haye’ 6,000 reheb’ xk’ulumeb’ li tiqib’aak sa’ li Santil Ochoch re Nauvoo. Eb’ li k’ojob’anb’il k’anjel a’in ke’ok choq’ xninqal ru osob’tesink reheb’ naq yookeb’ chixkuyb’al li ninqi ch’a’ajkilal chiruheb’ li chihab’ li te’chalq.