Eb’ li aatin aajel ru xnawb’al

aalenkLaj Satanas naxyal qaalenkil. A’an a’in naraj naxye naq a’an naxyal xminb’al qu chixb’aanunkil li k’a’ru ink’a’ us.

aatinob’aalEb’ li aatin oksinb’ileb’ re tz’iib’ak malaj aatinak rik’in jalaneb’ chik a’an nawb’il jo’ li aatinob’aal.

ab’inkLi ab’ink naraj naxye naq naqab’aanu li k’a’ru yeeb’il qe naq taqab’aanu. Tento too’ab’inq chiruheb’ lix taqlahom li Dios.

aj k’amol aatinJun aj k’amol aatin a’an li ani naxik sa’ jun li taqlanb’il k’anjel.

aj k’uub’anel huJun aj k’uub’anel hu a’an jun li winq li naxk’uub’ hu.

aj pleetEb’ laj pleet neke’pleetik sa’ jun li teep aj pleet.

aj Santil Paab’anelJun aj Santil Paab’anel a’an jun li komon sa’ lix Iglees li Jesukristo.

aj taqlanelJun aj taqlanel a’an jun laj jolominel. Li Taqlanel aj Allen a’an jun aj jolominel reheb’ laj pleet.

aj tenq’anelEb’ li saaj winq neke’ru chi wank choq’ aj tenq’anel naq kab’laju chihab’ xyu’ameb’. Eb’ laj tenq’anel neke’ru chixjek’inkil li loq’laj wa’ak.

aj tijEb’ laj tij wan rik’ineb’ li tijonelil. Eb’ laj tij a’aneb’ li winq li neke’tenq’an sa’ li Iglees.

aj tzolomJun aj tzolom a’an li ani naxtaaqe li Jesus ut naxyal xq’e chi wank jo’ chanru a’an.

aj xik’ ilonelJun aj xik’ ilonel a’an li ani xik’ na’ilok re jalan chik. Eb’ laj xik’ ilonel re laj Jose Smith ke’xsik’ xkamsinkil.

aj yehol nawomEb’ laj yehol nawom neke’ril k’a’ruhaq ut neke’xye resil re jalaneb’ chik. Eb’ laj yehol nawom ke’rileb’ li perel ch’iich’ oor ut ke’xye re jalaneb’ chik naq yaaleb’ li perel ch’iich’.

aj yoEb’ laj yo a’aneb’ li ani neke’xchap lix xulil li k’iche’. Neke’xk’ayi li rix li xul.

anjelJun li anjel a’an jun reheb’ lix taql li Dios. Li anjel aj Moroni ki’aatinak rik’in laj Jose Smith.

apostolJun li apostol a’an jun aj jolominel sa’ lix Iglees li Jesukristo. Li Jesus kixye re laj Jose Smith naq kiraj Kab’laju chi Apostol.

awa’b’ejJun li awa’b’ej a’an jun aj jolominel.

awa’b’ejilLi awa’b’ejil re li Iglees a’an li awa’b’ej ut eb’ lix tenq’ aj k’ehol na’leb’.

b’an li nakamsinLi b’an li nakamsin a’an k’a’ruhaq li naru tixkamsi li ani naxk’ux malaj naruk’. Li ch’uut chi aj rahob’tesinel ke’xyal xminb’al ru laj Jose Smith chiruk’b’al li b’an li nakamsin.

b’oyxEb’ li b’oyx a’aneb’ jun paay chi xul.

chapokEb’ laj pleet ke’xchap laj Jose Smith. A’an a’in naraj naxye naq eb’ laj pleet ke’xchap laj Jose Smith ut ink’a’ ke’xkanab’ chi elk.

ch’ina-usNaq wan li k’a’ru li ch’ina-us, naqaj xka’yankil. Ch’ina-us jun li awimq. Ch’ina-us li santil ochoch.

ch’utlaakLi ch’utlaak naraj naxye xch’utub’ankil rib’ sa’ jun li na’ajej. Laj Jose Smith kixye reheb’ laj Santl Paab’anel naq te’ch’utlaaq sa’ Missouri.

ch’utub’aj-ib’Jun li ch’utub’aj-ib’ a’an jun nimla ch’utam. Naab’al reheb’ li komon sa’ li Iglees neke’xik sa’ li ch’utub’aj-ib’.

codornizJun li codorniz a’an jun paay chi xik’anel xul.

eelelikLi eelelik naraj naxye xnajtob’resinkil rib’ rik’in anihaq malaj k’a’ruhaq. Laj Jose Smith ki’eelelik chiru li ch’uut chi aj rahob’tesinel.

elq’akLi elq’ak a’an naraj naxye xchapb’al li k’a’ru moko qe ta. Eb’ li ch’uut chi aj rahob’tesinel ke’relq’aheb’ li xul reheb’ laj Santil Paab’anel. A’an a’in naraj naxye naq eb’ li ch’uut chi aj rahob’tesinel ke’xchapeb’ li xul.

evangelioLix evangelio li Jesukristo a’an li k’uub’anb’il na’leb’ re li kolb’a-ib’. Wan rik’in a’an chixjunileb’ li tzol’leb’, li k’ojob’anb’il k’anjel, ut li wankilal li na’ajman re toosutq’iiq chi wank rik’in li qaChoxahil Yuwa’.

gobernadorJun li gobernador a’an laj jolominel re jun li estado.

hilobʼaal kutanInk’a’ us naq nokotrab’ajik chiru li hilobʼaal kutan. Domingo a’an li hilobʼaal kutan.

isiik sa’ li IgleesLi komon sa’ li Iglees li neke’xb’aanu li maa’usilal neke’ru chi isiik sa’ li Iglees. Ink’a’ chik komoneb’ sa’ li Iglees.

jalok k’a’uxlWi naqab’aanu li ink’a’ us, tento taqajal qak’a’uxl. A’an a’in naraj naxye naq naqeek’a xrahil qach’ool ut naqayal qaq’e re naq ink’a’ chik taqab’aanu li ink’a’ us.

jaltesink-uLaj Jose Smith kixjaltesi ru lix Hu laj Mormon toj sa’ ingles.

jolominkXjolominkileb’ li kristiaan naraj naxye xk’utb’al malaj xyeeb’al reheb’ li k’a’ru te’xb’aanu. Li profeet naxjolomi li Iglees.

jultikank aatinLaj Jose Smith kixjultika chiru li tenamit. A’an a’in naraj naxye naq kixk’ut li evangelio chiru li tenamit.

junajink-ib’Li kristiaan ke’xjunaji rib’ rik’in li Iglees. A’an a’in naraj naxye naq li kristiaan ke’kub’e xha’ ut ke’ok choq’ komon sa’ li Iglees.

junelik q’e kutanLi junelik q’e kutan naraj naxye junelik. Naru toowanq rik’in li qaChoxahil Yuwa’ chi junelik q’e kutan wi noko’ab’in chiruheb’ lix taqlahom.

kub’sink ha’Naq noko’ok sa’ li Iglees, nakub’e qaha’. Sub’b’ilo rub’el li ha’ ut isinb’ilo chaq wi’chik sa’ ha’.

kuyuk sa’Li kuyuk sa’ a’an xkanab’ankil li wa’ak ut li uk’ak.

k’ehok chi krusLi Jesus kik’ehe’ chiru krus. A’an a’in naraj naxye naq kit’uyub’aak rik’in klawx sa’ jun li krus ut kikanab’aak aran toj reetal naq kikam.

k’ehok sa’ tz’alamEb’ laj pleet ke’xk’e laj Jose Smith sa’ tz’alam. A’in naraj naxye naq kichape’ xb’aaneb’ laj pleet ut kik’ehe’ sa’ tz’alam.

k’irtesinkLi k’irtesink naraj naxye risinkil xyajeleb’ li ani yaj. Laj Newel K. Whitney kirosob’tesi Joseph Smith, ut laj Jose kik’ira.

k’ob’olalJun li k’ob’olal a’an jun li na’ajej b’ar rahob’tesinb’il malaj yot’b’il lix junxaqalil anihaq.

k’ojob’ankNaq naqak’ojob’ k’a’ruhaq, naqosob’tesi choq’ re xk’anjel li Dios. Eb’ laj Santil Paab’anel ke’xk’ojob’ li santil ochoch.

k’ulb’il choq’ alal k’ajolb’ejLaj Jose ut li xEmma Smith kixk’uleb’ choq’ alal k’ajolb’ej li k’uula’al luteb’. A’an a’in naraj naxye naq laj Jose ut li xEmma ke’roksiheb’ li k’uula’al luteb’ sa’ xjunkab’al.

k’ulub’ankLi xEmma ut laj Jose ke’raj xnawb’al ma te’xik Pennsylvania malaj te’kanaaq Nueva York. Ke’xk’ulub’a xch’ooleb’ naq te’xik Pennsylvania.

k’ulukLi k’uluk naraj naxye xk’ulb’al k’a’ruhaq rik’in li k’anjelak.

k’utb’esinb’il matk’Jun li k’utb’esinb’il matk’ a’an k’a’ruhaq li nak’ute’ chiqu xb’aan li Dios. Laj Jose Smith kiril li qaChoxahil Yuwa’ ut li Jesukristo sa’ jun li k’utb’esinb’il matk’.

kʼutbʼesinbʼil naʼlebʼLi raatin li Dios choq’ re li ralal xk’ajol sa’ ruchich’och’, a’an li kʼutbʼesinbʼil naʼlebʼ nayeeman re. Laj Jose Smith kixk’ul jun li kʼutbʼesinbʼil naʼlebʼ chirix li santil ochoch.

lajetqilLi lajetqil a’an li tumin naqak’e re li Dios.

loq’lajLi santil ochoch a’an jun li loq’laj kab’l. Li santil ochoch a’an re li Dios.

loqʼlaj huEb’ li loqʼlaj hu a’aneb’ hu li neke’xye qe resil li Dios. Li Santil Hu, lix Hu laj Mormon, li Tzol’leb’ ut Sumwank, ut li Q’ol Nim Xtz’aq a’aneb’ li loqʼlaj hu re li Iglees.

loqʼlaj waʼakNaqak’ul li loqʼlaj waʼak re xjultikankil li Jesus.

loq’oninkLi loq’onink a’an naraj naxye li rahok ut li ab’ink chiru. Laj Satanas kiraj naq laj Moises taaloq’oninq re. Tento taqaloq’oni ru li Dios.

maak’a’ xb’alaq’ilEb’ li ani li maak’a’ xb’alaq’il ink’a’ neke’tik’ti’ik. Eb’ li ani maak’a’ xb’alaq’il ink’a’ neke’xchap li k’a’ru moko reheb’ ta.

maatanEb’ li maatan a’aneb’ k’a’aq re ru siib’il qe. Li Santil Musiq’ej naxk’eheb’ li musiq’ejil maatan reheb’ li ani tiikeb’ xch’ool.

maa’usLi maa’us a’an li k’a’ru li q’axal ink’a’ us. Laj Satanas a’an jun maa’us aj musiq’ej.

maa’usaatinankLi maa’usaatinank a’an naraj naxye xyeeb’aleb’ li yib’ ruhil aatin. Eb’ laj k’aak’alenel sa’ li tz’alam ke’maa’usaatinak. Eb’ laj k’aak’alenel sa’ li tz’alam ke’xye li yib’ ruhil aatin.

maa’us aj musiq’ejEb’ li maa’us aj musiq’ej a’aneb’ li musiq’ej ink’a’ useb’. Eb’ li maa’us aj musiq’ej neke’xtaaqe li Satanas.

musiq’ejJun li musiq’ej maakʼaʼ xjunxaqalil re tibʼ ut bʼaq.

mayLi may a’an k’a’ruhaq li moko us ta choq’ qe. Wankeb’ li ani neke’mayib’k ut neke’roksi li may.

muqukLaj Moroni kixmuq li perel ch’iich’ oor. Kixk’eheb’ sa’ jun kaxon pek chirub’el li ch’och’ ut kixtuub’ ch’och’ sra’ xb’eeneb’.

nimank-ib’Eb’ laj k’aak’alenel sa’ li tz’alam ke’xnima rib’ rik’in li k’a’ru ke’xb’aanu. A’an a’in naraj naxye naq saheb’ xch’ool rik’in li ke’xb’aanu ut ke’xye resil re li jun ch’ol chik.

nimla palawJun li nimla palaw a’an jun na’ajej q’axal nim nujenaq rik’in li atz’amanb’il ha’.

numsink rahilalLaa’o naqanumsi rahilal naq ra li qach’ool. Laj Jose Smith ut eb’ li ramiiw ke’xnumsil li rahilal sa’ tz’alam.

obiispJun li obiisp a’an laj jolominel re jun li teep.

paabʼaalLi paabʼaal a’an xyo’oninkil k’a’aq re ru li moko ilb’il ta ru, li yaal. Wan li paabʼaal chirix li Jesukristo. A’an a’in naraj naxye naq naqapaab’ a’an ut noko’ab’in chiru.

paab’ankLi paab’ank naraj naxye xk’oxlankil naq yaal jun li na’leb’. Wankeb’ naab’aleb’ li neke’xpaab’ lix evangelio li Jesukristo.

pleetinkLi ch’uut chi aj rahob’tesinel ke’xpleetiheb’ laj Santil Paab’anel.

profeetJun li profeet naxye re li tenamit li k’a’ru naraj li Dios naq te’xnaw. Laj Jose Smith a’an jun li profeet.

pueentEb’ laj tehol b’e ke’xq’ax ru li nima’ sa’ xb’een jun li pueent.

ramleb’aal ha’Eb’ laj Santil Paab’anel ke’xyiib’ jun li ramleb’aal ha’ sa’ li nima’. Jun li ramleb’aal ha’ naxram ru li ha’.

ruuchinihom li iyajEb’ laj tehol b’e ke’raw li iyaj. Li ruuchinihom li iyaj a’an li ixim, li paaps, li trigo, ut xkomon chik li k’a’aq re ru.

sachokLi sachok naraj naxye rumok, jorok, k’atok, malaj kamsink. Eb’ li ch’uut chi aj rahob’tesinel ke’xsach li santil ochoch.

santil ochochJun li santil ochoch a’an li rochoch li Dios.

sik’ok-uLi Dios nokoxkanab’ xsik’b’al ru li us malaj li ink’a’ us. Laa’o naqasik’ ru li ani taawanq choq’ aj jolominel. Li Dios kixsik’ ru laj Brigham Young re xjolominkileb’ laj Santil Paab’anel.

sumlaakLaj Jose ut li xEmma ke’sumla. A’an a’in naraj naxye naq laj Jose a’an lix b’eelom li xEmma, ut li xEmma a’an li rixaqil laj Jose.

sumwankJun li sumwank a’an jun li yeechi’ihom. Naq naqak’uub’ jun li sumwank rik’in li Dios, naqak’e qib’ sa’ aatin chiru naq taqab’aanu k’a’ruhaq.

taqlahomLi ani tiik xch’ool na’ab’in chiruheb’ lix taqlahom li Dios. Li ani tiik xch’ool naxb’aanu li k’a’ru naraj li Dios naq tixb’aanu.

taqlanb’il k’anjelLi apostol xko’o sa’ jun li taqlanb’il k’anjel A’an a’in naraj naxye naq a’an xko’o re xyeeb’al resil lix evangelio li Jesukristo chiru li tenamit.

tenq’ aj k’ehol na’leb’Eb’ laj tenq’ aj k’ehol na’leb’ a’aneb’ li ani neke’tenq’an re jun aj jolominel. Wankeb’ lix tenq’ aj k’ehol na’leb’ li profeet re li Iglees.

tiikil ch’oolejLi ani tiik xch’ool naxb’aanu li k’a’ru us. A’in a’in naraj naxye naq a’an na’ab’ink chiruheb’ lix taqlahom li Dios.

tijokLi tijok naraj naxye aatinak rik’in li qaChoxahil Yuwa’.

tijonelilLi tijonelil a’an lix wankil li Dios.

tiqib’aakJun li tiqib’aak a’an jun xnimal ru yeechi’ihom malaj maatan li nachal rik’in li Dios.

tiqwal q’olLi tiqwal q’ol a’an q’axal naxchap rib’ ut q’eq ru.

to’ninkNaq naqato’ni k’a’ruhaq, naqapatz’ re jalan ma tooruuq chiroksinkil. Wi jun li winq naxto’ni lix kawaay li ramiiw, a’an naxpatz’ re li ramiiw ma taaruuq taaroksi. Chirix naq li winq naroksi li kawaay, naxsutq’isi re li ramiiw.

trompeetJun li trompeet a’an jun paay chi k’anjeleb’aal re wajb’ak.

tz’alamJun li tz’alam a’an jun na’ajej k’eeb’il wi’ li kristiaan. Eb’ li winq ke’k’ehe’ sa’ tz’alam. A’an a’in naraj naxye naq ke’tz’ape’ re naq ink’a’ ke’ru chi eelelik chaq.

uka’ li nakaltesinLi uka’ li nakaltesin moko us ta ruq’b’al. Sa’ li b’oj ut li viin wan uka’ li nakaltesin.

wakliik chi yo’yoLi Jesukristo kiwakli chi yo’yo. A’an a’in naraj naxye naq chirix naq ak kamenaq, kik’ehe’ xyu’am wi’chik. Chixjunil te’wakliiq chi yo’yo chirix naq te’kamq.

wech’ok-ixLi kristiaan ke’xwech’ rix Laj Jose Smith xb’aan naq wan li ch’a’ajkilal. A’an a’in naraj naxye naq eb’ a’an ke’xye naq laj Jose Smith kiyoob’ank re li ch’a’ajkilal.

wotzokLi wotzok a’an naraj naxye xk’eeb’al jun xraqalil li k’a’ru wan qe re jalan chik.

xb’eenilEb’ li xb’eenil a’aneb’ li winq li wan reheb’ li tijonelil.

xe’toonLi xe’toon a’aneb’ li ani sa’ li junkab’al li ke’wan xyu’am rub’elaj qayo’lajik.

xnawom ch’oolejJun li xnawom ch’oolej a’an jun li eek’ahom naq yaal li evangelio.

xsikb’al ru li b’eLi qaChoxahil Yuwa’ koxkanab’ chixsik’b’al ru li qab’e. A’an a’in naraj naxye naq li qaChoxahil Yuwa’ nokoxkanab’ chixsik’b’al li k’a’ru taaqab’aanu.

yaalLi Jesus naxk’ut li yaal chiqu. A’an a’in naraj naxye naq li Jesus naxk’ut qe li k’a’ru us.

yo’ob’tesinkLi Jesukristo kixyo’ob’tesi li ruchich’och’. A’an a’in naraj naxye naq li Jesukristo kixyiib’ li ruchich’och’.

yuwaʼbʼejil aj kʼanjelJun li yuwaʼbʼejil aj kʼanjel naxk’e li xnimal ru osob’tesink re li kristiaan. Lix yuwa’ laj Jose Smith a’an jun li yuwaʼbʼejil aj kʼanjel.