Chʼol 23

Li Tzolʼlebʼ ut Sumwank

Agosto–noviembre re 1831

wagon

Joseph leaving Missouri

Laj Jose Smith ut junjunqeb’ laj Santil Paab’anel ke’el chaq Missouri ut ke’sutq’i Kirtland, Ohio. Tikto ki’uxman jun xnimal ru ch’utub’aj-ib’. Li rajb’al a’an re aatinak chirix xk’uub’ankil choq’ hu eb’ li k’utb’esinb’il na’leb’ k’eeb’ileb’ re laj Jose Smith xb’aan li Qaawa’.

Tzolʼlebʼ ut Sumwank 67, xtiklajik li tasal

Joseph writing revelations

Ak tz’iib’anb’ileb’ li k’utb’esinb’il na’leb’ li k’ulb’ileb’ xb’aan laj Jose, a’b’an lix k’ihaleb’ laj Santil Paab’anel maak’a’ rik’ineb’ li tz’iib’ahom a’in. Sa’ li ch’utub’aj-ib’, eb’ laj Santil Paab’anel ke’xk’ulub’a naq te’k’uub’aaq choq’ hu eb’ li k’utb’esinb’il na’leb’. Li Hu re Taqlahom taak’ab’a’iiq li hu. Moqon li Tzol’leb’ ut Sumwank taayeemanq re.

Joseph speaking with member

Li Jesus kixk’e wiib’ chik li k’utb’esinb’il na’leb’ re laj Jose Smith choq’ re li hu. Li jun a’an choq’ re xtiklajik li hu, ut li jun chik choq’ re li roso’jik. Eb’ li k’utb’esinb’il na’leb’ a’in nokohe’xtenq’a chixtawb’al ru lix aajelil ru li hu ut li evangelio k’ojob’anb’il wi’chik.

Tzolʼlebʼ ut Sumwank 67:4

Tzolʼlebʼ ut Sumwank 67 ut Tz. ut S. 133, xtiklajik li tasaleb’

modern-day chapel

Li Tzol’leb’ ut Sumwank naxye reheb’ chixjunileb’ naq wan lix tz’aqal Iglees li Jesukristo sa’ ruchich’och’ wi’chik.

priesthood bearers giving blessing

Li Tzol’leb’ ut Sumwank naxye resil li tijonelil. Naxye ajwi’ reheb’ li winq chanru te’roksi li wankilal a’in.

couple reading Book of Mormon

Li Tzol’leb’ ut Sumwank naxye resil lix Hu laj Mormon. Rik’in rilb’al ru lix Hu laj Mormon, chixjunileb’ te’ruuq chixtawb’al xna’leb’ chirix lix evangelio li Jesukristo.

sisters sharing food

Li Tzol’leb’ ut Sumwank naxk’ut chiruheb’ laj Santil Paab’anel naq te’wotzoq. Eb’ li neke’wotzok te’nujob’resiiq rik’in li Santil Musiq’ej.

Tzolʼlebʼ ut Sumwank 70:14

Heavenly Father and Jesus Christ

Li Tzol’leb’ ut Sumwank naxk’uteb’ lix taqlahom li Dios. Eb’ laj Santil Paab’anel li neke’ab’in chiruheb’ li taqlahom a’in te’ruuq chi wank rik’in li qaChoxahil Yuwa’ ut li Jesukristo chi junelik q’e kutan.

people reading Doctrine and Covenants

Li Jesus kixye naq chixjunileb’ li komon sa’ li Iglees tento te’ril ru li Tzol’leb’ ut Sumwank.

Tzolʼlebʼ ut Sumwank 1:37

Joseph at printing press

Chirix xraqik li ch’utub’aj-ib’, laj Oliver Cowdery kixk’ameb’ li tz’iib’ahomeb’ re li k’utb’esinb’il na’leb’ sa’ Missouri. Kixk’eheb’ re laj William Phelps, jun komon sa’ li Iglees li kiwan lix k’uub’leb’aal hu. Laj Oliver kixpatz’ re li Hermano Phelps naq tixk’uub’eb’ 3,000 li hu. A’b’anan, naq maji’ kiraqe’ xk’uub’ankileb’ chixjunileb’, eb’ li maa’us aj winq ke’xk’e chi xaqliik li k’uub’leb’aal hu ut ke’xsacheb’ lix k’ihaleb’ li perel.

girl holding Doctrine and Covenants

Sa’ xraqik kipuktesiman li Tzol’leb’ ut Sumwank sa’ 1835. Eb’ laj Santil Paab’anel ke’xb’antioxi re li qaChoxahil Yuwa’ li k’utb’esinb’il na’leb’ neke’tawman sa’ li Tzol’leb’ ut Sumwank.