Chʼol 27

Li Profeet ink’a’ naxk’anab’ lix k’anjel us ta wan li rahob’tesink

Marzo re 1832

wagon

Joseph reading Bible

Laj Jose Smith ut laj Sidney Rigdon ink’a’ ke’xkanab’ lix k’anjel chixchaab’ilob’resinkil li raatin li Santil Hu jo’ k’utb’esinb’il chiruheb’. Li Jesus kixk’utb’esi chiru laj Jose Smith li k’a’ru taajalmanq, ut laj Sidney Rigdon kixtz’iib’aheb’ (chi’ilmanq Chʼol 16).

Joseph translating Bible

Laj Jose Smith ink’a’ kixtaw ru junjunqeb’ li raqal sa’ li Santil Hu. Kitijok re xtawb’aleb’ ru, ut li Qaawa’ kisumen. Naab’aleb’ reheb’ li k’utb’esinb’il na’leb’ sa’ li Tzol’leb’ ut Sumwank ke’k’ule’ jo’ xsumehom ruheb’ li patz’om kixpatz’ li Profeet chiru li Qaawa’ naq yoo chixjaltesinkil ru li Santil Hu (chi’ilmanq Tzolʼlebʼ ut Sumwank 76, Tz. ut S. 77, ut Tz. ut S. 113).

Joseph writing at desk

Li Jesus kisaho’ xch’ool rik’in xk’anjel laj Jose. Laj Jose a’an jun xnimal ru profeet.

Joseph and Emma with twins

Chiruheb’ li kutan a’an, Laj Jose ut li xEmma Smith ke’wan lix k’uula’al luteb’. A’b’an ke’kam chirix xnumik junjunq hoonal. Eb’ li ramiiw laj Jose ut li xEmma ke’wan ajwi’ xluteb’. Lix na’ li lut kikam, ut lix yuwa’ kixk’e xliceens laj Jose ut li xEmma xk’ulb’aleb’ li k’uula’al.

mob taking Joseph

Sa’ jun q’ojyin, jun ch’uut chi josq’ aj winq xkoheb’ sa’ rochoch laj Jose. Ke’xt’an li rokeb’aal ochoch ut ke’ok chi sa’. Laj Jose yoo chixq’alunkil jun reheb’ li k’uula’al li q’axal yaj.

Joseph being dragged outside

Eb’ li winq ke’xchap laj Jose ut ke’xkelo chirix kab’l sa’ li kehil q’ojyin. Kikana xjunes li k’uula’al, ut kikam chirix xnumik oob’ kutan.

men trying to kill Joseph

Eb’ li winq ke’xnat’ laj Jose ut ke’xyal xhoyb’al li b’an li nakamsin sa’ re. Li meet kixjor jun reheb’ li ruch li re ut li b’an kixk’at.

men tarring and feathering Joseph

Eb’ li winq ke’risi xt’ikr laj Jose ut ke’xb’on li tiqwal q’ol chiru xtib’el. Ke’xletz rismal kaxlan chiru li q’ol, ut ke’xraple.

Joseph tarred and feathered

Xko’o li ch’uut, sa’ xch’ooleb’ naq kamk re laj Jose. Laj Jose kixyal xaqliik, a’b’anan moko kiru ta. Kihilan chiru junpaat, toja’ naq kiwan xmetz’ew chixjukukinkil rib’ chiru ch’och’ toj sa’ li ochoch.

Emma crying

Eb’ li ramiiw laj Jose ke’risi li tiqwal q’ol chirix xtib’el. Ch’a’aj chirisinkil. K’atb’il ut rahob’tesinb’il lix tz’uumal.

Joseph teaching

Li kutan jun a’an li domingo. Toj ra kireek’a, a’ut laj Jose xko’o sa’ iglees ut kixk’e li raatin. Junjunqeb’ li winq re li ch’uut ke’wulak sa’ li ch’utam ut ke’sach xch’ool chirilb’al laj Jose. Li Profeet ink’a’ kixkanab’ naq te’ramoq re sa’ xb’aanunkil xk’anjel li Qaawa’.