Chʼol 55
Jun k’utb’esinb’il na’leb’ chirix li sumlaak
Julio re 1843
Laj Jose Smith kixpatz’ re li Qaawa’ junjunqeb’ li patz’om chirix li sumlaak. Li Jesus kixye re naq jun li winq ut jun li ixq tento te’sumub’aaq xb’aan jun li winq li wan li tijonelil rik’in. Tento te’sumlaaq sa’ li santil ochoch. Wi te’ab’inq chiru xchaq’rab’ li Dios, te’sumlaaq chi junelik q’e kutan.
Eb’ li tiikeb’ xch’ool li neke’sumlaak sa’ li santil ochoch te’wanq sa’ li choxahil awa’b’ejihom. Li ralaj xk’ajol li neke’ab’in chiru xchaq’rab’ li Dios te’wanq rik’ineb’, ut sa’ komonil eb’ a’anaq jun junkab’al maak’a’ roso’jik. Te’wanq rik’in li Dios ut te’ok jo’ chanru a’an.
Li Jesus kixye ajwi’ re laj Jose resilal li sumlaak sa’ xyanqeb’ lix tenamit li ke’wan sa’ najter q’e kutan.