Kapitulo 1
Elisabet ug Zacarias
Si Zacarias ug ang iyang asawa, si Elisabet, mga Judeo kinsa mipuyo duol sa Jerusalem. Sila misunod sa mga sugo sa Dios. Sulod sa daghang mga katuigan sila nag-ampo nga makabaton og usa ka anak. Sa dihang natigulang na sila, wala pa gihapon silay mga anak.
Si Zacarias usa ka pari sa templo. Usa ka adlaw niana ang anghel nga ginganlan og Gabriel miduaw kaniya. Si Gabriel miingon nga ang Dios motubag sa mga pag-ampo ni Zacarias ug ni Elisabet. Sila makabaton og usa ka anak. Si Gabriel miingon nga kinahanglan nga ilang panganlan ang bata og Juan.
Si Gabriel miingon nga si Juan mahimong usa ka matarung nga propeta sa Dios. Siya motudlo sa mga tawo mahitungod kang Jesukristo.
Si Zacarias wala motuo sa anghel. Si Elisabet tigulang na kaayo nga makabaton og usa anak. Si Gabriel miingon nga tungod kay siya wala motuo sa unsay gisaad sa Dios, si Zacarias dili makasulti hangtud nga si Juan matawo.