Kapitulo 20
Jesus Mitudlo mahitungod sa Pag-ampo
Si Jesus mitudlo sa Iyang mga disipulo unsaon sa pag-ampo. Siya miingon nga ang ubang mga tawo nag-ampo lamang aron makita sa uban nga sila nag-ampo. Si Jesus mitudlo nga kita kinahanglan nga mag-ampo sa atong kinaugalingon nga mga pag-ampo diin maka-inusara kita, kon mahimo.
Siya miingon nga ang ubang mga tawo nagbalik-balik sa paglitok sa mga pulong kon sila mag-ampo. Wala nila sa tinuoray hunahunaa ang mahitungod sa unsay ilang gisulti. Si Jesus miingon nga kita kinahanglan kinasingkasing nga mag-ampo alang sa unsay atong gikinahanglan.
Ang Manluluwas militok og pag-ampo aron ipakita ngadto sa Iyang mga disipulo unsaon sa pag-ampo. Iyang gisugdan sa pag-ingon, “Amahan namo … sa langit.” Siya midayeg sa Amahan ug dayon nangayo Kaniya og panabang. Siya miingon og “amen” sa katapusan sa Iyang pag-ampo. Wala madugay, si Jesus misugo sa Iyang mga disipulo sa pag-ampo ngadto sa Amahan diha sa Iyang pangalan. Siya misaad nga ang Langitnong Amahan motubag sa ilang mga pag-ampo.