Kapitulo 21
Jesus Mimando sa mga Hangin ug sa mga Balud
Si Jesus ug ang Iyang mga disipulo sakay sa usa ka sakayan sa Dagat sa Galilea. Si Jesus nakatulog. Ang hangin misugod sa paghuros og kusog kaayo, ug nasudlan og tubig ang sakayan tungod sa mga balud. Ang mga disipulo nahadlok nga kini malunod. Ilang gipukaw si Jesus ug nangayo Kaniya og tabang.
Ang Manluluwas mimando sa hangin sa paghunong og huros ug sa mga balud sa paghunong. Ang hangin mihunong, ug ang dagat nalinaw.
Si Jesus nangutana sa mga disipulo kon ngano nga sila nangahadlok. Siya miingon nga sila kinahanglan nga adunay mas hugot pa nga pagtuo. Sila nahibulong kon unsa nga matang sa tawo nga makamando bisan sa hangin ug sa dagat.