Kapitulo 40
Ang Maayong Magbalantay
Ang usa ka magbalantay sa karnero nag-atiman sa mga karnero. Siya mitabang kanila sa pagpangita og pagkaon ug tubig. Siya dili motugot nga sila masakitan o mawala. Siya nakaila kanila ug nahigugma kanila ug mohatag sa iyang kinabuhi aron sa pagluwas kanila.
Si Jesukristo mitawag sa Iyang kaugalingon og Maayong Magbalantay. Siya mao ang atong magbalantay. Kita mao ang Iyang mga karnero. Siya nahigugma kanato. Siya nagtabang kanato nga masayud sa kamatuoran. Siya nagtudlo kanato kon unsaon sa pagpuyo aron kita makabalik ngadto sa atong Langitnong Amahan. Iyang gihatag ang Iyang kinabuhi alang kanato.
Ang Manluluwas misulti sa mga tawo sa Jerusalem nga Siya adunay ubang mga karnero. Siya miingon nga Iyang bisitahan kining uban nga mga karnero. Ang mga tawo wala makasabut.
Human mabanhaw si Jesus, Siya mibisita sa Iyang mga karnero didto sa Amerika. Ang Basahon ni Mormon naghisgut mahitungod sa Iyang pagbisita didto. Si Jesus mipuyo sulod sa daghang mga adlaw, nang-ayo sa mga masakiton ug nanalangin sa mga tawo. Siya mihatag kanila sa priesthood ug mitukod sa Iyang Simbahan. Si Jesus mitudlo og sama nga mga butang ngadto niini nga mga tawo nga Iyang gitudlo ngadto sa mga tawo sa Jerusalem.