Kapitulo 36
Jesus Misaysay og Tulo ka mga Sambingay
Usa ka adlaw niana si Jesus nakigsalo og kaon ug nakig-istorya uban sa mga tawo kinsa gituhoan sa daghan nga mga makasasala. Pipila sa mga Pariseo nakakita Kaniya.
Ang mga Pariseo mituo nga ang maayo nga mga tawo kinahanglan dili makig-istorya sa mga makasasala. Sila mihunahuna nga si Jesus dili usa ka maayo nga tawo tungod kay nakig-istorya siya sa mga makasasala.
Ang Manluluwas gusto nga motabang sa mga Pariseo nga masabtan kon nganong nakig-uban Siya sa mga makasasala. Siya misaysay kanila og tulo ka mga sambingay. Ang una mao ang mahitungod sa nawala nga karnero.
Lucas 15:3; Teachings of the Prophet Joseph Smith, 277