Ang Ikaduhang Sambingay
Ang Nawala nga Salapi
Usa ka babaye adunay 10 ka plata nga mga salapi. Iyang nawala ang usa sa mga salapi. Iya kining gipangita sa tibuok balay.
Sa katapusan iyang nakit-an ang salapi. Siya nalipay kaayo. Iyang gitawag ang iyang mga higala ug mga silingan aron sultihan sila. Sila usab nalipay nga iyang nakit-an ang nawala nga salapi.
Ang mga lider ug mga miyembro sa Simbahan sama sa usa ka babaye diha sa istorya; ang nawala nga salapi sama sa usa ka miyembro sa Simbahan kinsa wala na mosimba o wala na mosunod sa mga sugo. Kini ingon og sila nawala sa Simbahan. Si Jesukristo gusto nga ang mga miyembro sa Simbahan mangita sa tanang mga igsoon nga lalaki ug mga igsoon nga babaye nga nawala ug tabangan sila nga mobalik ngadto Kaniya. Siya malipay kaayo kon mahitabo kini.
Jesus the Christ, 455–56
Ang mga higala ug mga silingan diha sa istorya sama sa mga anghel sa Dios. Ang mga anghel malipay kaayo kon ang usa ka tawo maghinulsol.