Kapitulo 45
Ang mga Diyot sa Biyuda
Si Jesus miadto sa templo sa Jerusalem. Siya mitan-aw samtang ang mga tawo mihatag og kwarta alang sa simbahan. Daghang adunahan nga mga tawo ang mihatag og daghang kwarta.
Usa ka pobre nga biyuda mihatag og duha ka piraso nga kwarta nga gitawag og diyot. Dili kadto dakong kwarta, apan mao lamang kadto ang kwarta nga anaa kaniya.
Si Jesus nakakita sa biyuda ug misulti sa mga disipulo kon unsay iyang nabuhat.
Siya miingon nga ang adunahan nga mga tawo mihatag og mas dakong kantidad nga kwarta kay kaniya, apan sila adunay mas daghan pa nga ikahatag.
Ang biyuda wala nay laing kwarta. Iyang gihatag ang tanan nga anaa kaniya. Mas labaw pa ang iyang gihatag ngadto sa Dios kay sa tanan nga adunahang mga tawo.