Kapitulo 31
Jesus Miayo sa usa ka Tawo nga Bungol
Pipila ka mga tawo midala og usa ka tawo ngadto kang Jesus. Ang tawo bungol ug dili makatarung og sulti. Ang mga tawo gusto nga ang Manluluwas moayo kaniya.
Ang tawo gidala ni Jesus palayo sa uban. Iyang gibutang ang Iyang mga tudlo sa mga dunggan sa tawo. Iyang gihikap ang dila sa tawo ug mipanalangin kaniya.
Karon ang tawo makadungog na ug makasulti. Ang mga tawo makasabut na kaniya. Si Jesus mihangyo sa mga tawo nga dili mosulti ni bisan kinsa sa unsay nahitabo, apan ilang gisultihan ang tanan.