Kapitulo 22
Ang Tawo nga may Dautang mga Espiritu
Usa ka tawo kinsa mipuyo sa usa ka sementeryo duol sa Dagat sa Galilea may dautang espiritu diha kaniya nga nakapahimo kaniya nga bangis. Ang mga tawo migapos kaniya og mga kadena aron sa pagpugong kaniya, apan iyang giputol ang mga kadena.
Ang tawo magkanunayan adlaw ug gabii didto sa kabukiran ug mga langub. Siya kanunay nga magsinggit ug magsamad sa iyang kaugalingon gamit ang mga bato.
Usa ka adlaw niana si Jesus ug ang Iyang mga disipulo mitabok sa Dagat sa Galilea sa usa ka sakayan. Sa pagkanaog sa Manluluwas sa sakayan, ang tawo midagan padulong Kaniya.
Si Jesus misugo sa dautang espiritu sa paggawas gikan sa tawo. Ang dautang espiritu nasayud nga si Jesus mao ang Anak sa Dios. Siya mihangyo kang Jesus nga dili siya pasakitan.
Sa dihang ang Manluluwas nangutana sa dautang espiritu kon unsa ang iyang ngalan, siya miingon, “Ang akong ngalan mao si Legion,” nga nagpasabut og daghan. Daghan ang dautan nga mga espiritu ang anaa sa sulod sa tawo. Sila mihangyo kang Jesus nga pasudlon sila sa mga lawas sa mga baboy nga anaa sa duol.
Si Jesus mitugot. Ang dautan nga mga espiritu mibiya sa tawo ug misulod sa mga lawas sa mga 2,000 ka mga baboy. Ang mga baboy nanagan padulhog sa pangpang ngadto sa dagat ug nangalumos.
Ang mga tawo nga nag-atiman sa mga baboy midagan paingon sa siyudad ug misulti sa mga tawo sa unsay nahitabo. Ang mga tawo nangadto ug nakakita kang Jesus ug sa bangis nga tawo. Apan ang tawo dili na bangis.
Kini mao ang nakapahadlok sa mga tawo kang Jesus. Sila mihangyo Kaniya sa pagpahawa. Siya mibalik sa sakayan.
Ang tawo nga naayo gusto nga mouban Kaniya. Ang Manluluwas misugo kaniya sa pagpauli hinoon sa balay ug sa pagsulti sa iyang mga higala sa unsay nahitabo kaniya.
Ang tawo misulti sa iyang mga higala, ug sila nahibulong sa dakong gahum ni Jesus.