Kapitulo 8
Dautan nga Haring Herodes
Ang Maalamon nga mga Tawo miingon kang Herodes nga si Jesus mahimong hari. Si Herodes gusto nga siya lamang ang hari. Iyang gisugo ang iyang mga sundalo sa pagpatay sa tanang mga bata sa Bethlehem ug sa silingan nga mga dapit.
Ang anghel miingon kang Jose nga dad-on si Maria ug si Jesus ngadto sa Ehipto, usa ka nasud nga layo sa Bethlehem. Si Herodes dili mangita kang Jesus didto.
Si Jose mituman. Siya ug si Maria ug si Jesus didto sa Ehipto sa dihang ang mga sundalo ni Herodes mipatay sa tanang mga bata sa Bethlehem ug sa silingan nga mga dapit.
Human sa kamatayon ni Haring Herodes, ang anghel misulti kang Jose sa pagdala ni Jesus ug ni Maria pauli sa panimalay. Si Jose midala kanila ngadto sa Nazaret, diin didto luwas si Jesus.