Kapitulo 56
Pedro Miayo sa usa ka Tawo
Usa ka tawo kinsa dili makalakaw gialsa paingon sa templo matag adlaw. Milingkod siya sa pultahan sa templo ug nangayo og kwarta. Usa ka adlaw niana iyang nakita sila si Pedro ug Juan nga mosulod na unta sa templo.
Nangayo siya og kwarta ni Pedro ug ni Juan. Si Pedro miingon nga siya walay kwarta. Si Pedro miingon nga iyang hatagan ang tawo og laing butang.
Gipanalanginan ni Pedro ang tawo diha sa pangalan ni Jesukristo ug giayo siya. Dayon iyang gitabangan ang tawo sa pagbarug.
Ang tawo milakaw sa unang higayon sa iyang kinabuhi. Daghang mga tawo ang nakakita sa tawo nga naglakaw ug naglukso. Sila nasayud nga kini usa ka milagro. Sila nasayud nga si Pedro adunay gahum sa Dios. Si Pedro misulti kanila nga si Jesukristo naghatag kaniya og gahum aron sa pag-ayo sa tawo. Si Pedro usa ka bantugan nga misyonaryo. Siya mitabang sa daghang mga tawo nga motuo ug mosunod kang Jesukristo.