Kapitulo 48
Ang mga Talanton
Si Jesus misaysay sa Iyang mga disipulo og usa ka istorya mahitungod sa usa ka tawo nga mihatag sa iyang mga sulugoon og pipila ka mga talanton. Ang talanton usa ka dakong kantidad nga kwarta.
Ang tawo mihatag sa usa ka sulugoon og lima ka talanton. Siya mihatag sa laing sulugoon og duha ka talanton. Siya mihatag sa ikatulo nga sulugoon og usa ka talanton. Dayon ang tawo mibiyahe.
Ang sulugoon nga may lima ka talanton mitrabaho og maayo. Nakaginansya siya og laing lima ka talanton. Siya aduna nay napulo ka talanton.
Ang sulugoon nga may duha ka talanton mitrabaho og maayo. Nakaginansya siya og laing duha ka talanton. Siya aduna nay upat ka talanton.
Ang sulugoon nga may usa ka talanton milubong niini diha sa yuta. Siya nahadlok nga mawala niya kini. Wala siya mitrabaho aron makaginansya og lain pa nga mga talanton.
Sa dihang ang tawo mibalik , iyang gipangutana ang iyang mga sulugoon kon unsay ilang gibuhat sa iyang mga talanton.
Ang unang sulugoon midala kaniya og napulo ka talanton. Ang tawo nalipay. Iyang gipiyalan ang sulugoon sa daghang mga butang ug misulti kaniya nga maglipay.
Ang ikaduhang sulugoon midala kaniya og upat ka talanton. Kini nakapalipay usab sa tawo. Iyang gipiyalan ang ikaduhang sulugoon sa daghang mga butang ug misulti kaniya nga maglipay.
Ang ikatulong sulugoon mihatag og balik sa tawo sa talanton nga iyang gilubong. Ang tawo wala malipay. Siya miingon nga ang sulugoon tapulan. Nagtrabaho unta siya og maayo aron makaginansya og daghan pa nga mga talanton.
Gikuha sa tawo ang talanton gikan sa ikatulong sulugoon ug gihatag kini ngadto sa unang sulugoon. Dayon gipapahawa ang tapulan nga sulugoon. Ang tawo diha sa istorya sama kang Jesus. Kita sama sa mga sulugoon. Si Jesus mohukom giunsa nato sa paggamit ang mga gasa nga gihatag ngari kanato.