Mga litrato sa Balaan nga Yuta

(Ang mga numero nga anaa sa parentesis mao ang mga numero sa kapitulo sa mga istorya nga nahitabo sa lugar o duol sa lugar nga gilitratohan.)

Bethlehem Si Jesukristo natawo dinhi niini nga siyudad. (5, 7)

Templo Mao kini ang usa ka sundanan sa templo sa Jerusalem diin si Jesus mitudlo sa ebanghelyo ug mipagawas sa mga tawo nga namaligya og mga hayop alang sa mga sakripisyo. (1, 6, 9, 11, 13, 45, 56)

Mga Hagdanan paingon sa Templo Kini ang tinuod nga mga hagdanan paingon ngadto sa templo.

Nazaret Si Jesus midako dinhi niini nga siyudad. (2, 4, 9, 17)

Jerusalem Si Jesus ug ang Iyang mga Apostoles migahin og daghang panahon sa pagtudlo dinhi niini nga siyudad. Si Jesus namatay ug nabanhaw dinhi. (6, 39–40, 44–57, 63)

Suba sa Jordan Si Juan Bautista mibunyag ni Jesukristo dinhing dapita sa suba. (10)

Kamingawan sa Judea Si Jesukristo mipuasa ug gitintal sa yawa sa kamingawan human sa Iyang bunyag. (11)

Samaria Si Jesus mitudlo sa usa ka babaye mahitungod sa buhi nga tubig didto sa usa ka atabay niining dapita. Kadaghanan sa mga Judeo nasilag sa mga tawo sa Samaria. (15, 58)

Galilea ug ang Dagat sa Galilea Daghang mga tawo ang nagtuo nga kini nga bakilid mao ang dapit nga si Jesus mihatag sa Wali sa Bukid. Ang Dagat sa Galilea anaa sa luyo. Si Jesus mitudlo sa ebanghelyo ngadto sa daghang mga tawo, lakip na sa Iyang mga Apostoles, duol dinhi. Gipahunong ni Jesus ang unos sa Dagat sa Galilea. (18–22, 29, 34, 36)

Capernaum Kini nga mga nangaguba anaa sa siyudad sa Capernaum. Si Jesus mihimo og daghang mga milagro dinhi niini nga siyudad. (23–25, 30)

Cesarea Filipo Niining dapita si Jesus mipamatuod sa Iyang kamatayon ug Pagkabanhaw, ug si Pedro mipamatuod nga si Jesus mao ang Anak sa Dios. (32)

Jerico Sa sambingay sa maayo nga Samarianhon, usa ka tawo ang hapit mamatay samtang nagbiyahe sa dalan paingon niini nga siyudad. (35)

Bungtod sa Tabor Kini mao siguro ang dapit nga ang Transpigurasyon ni Jesukristo nahitabo. (33)

Tanaman sa Getsemani Si Jesukristo nag-ampo, nag-antus alang sa atong mga sala, gibudhian ni Judas Iscariote, ug gidakop dinhi niini nga tanaman . (51, 52)

Golgota Kini mao siguro ang dapit diin si Jesukristo namatay sa krus. (53)

Tanaman nga Lubnganan Kini mao siguro ang dapit diin si Jesukristo gilubong, nabanhaw, ug nakig-istorya ni Maria Magdalena. (53, 54)