Kapitulo 33
Pagpakita uban sa Himaya: Ang Transpigurasyon
Si Jesus midala kang Pedro, Santiago, ug Juan ngadto sa tumoy sa taas nga bukid aron mag-ampo.
Samtang nag-ampo si Jesus, ang himaya sa Dios mikunsad Kaniya. Ang Iyang panagway sama ka hayag sa adlaw. Duha ka mga propeta sa Daang Tugon nga ginganlan og Moises ug Elias mipakita Kaniya. Sila mihisgut mahitungod sa Iyang umaabut nga kamatayon ug pagkabanhaw.
Samtang nag-ampo si Jesus, ang mga Apostoles nakatulog.
Sa dihang nakamata sila, ilang nakita ang himaya ni Jesukristo, Moises, ug Elias. Sila nakadungog sa tingog sa Langitnong Amahan nga mipamatuod, “Mao kini ang akong Anak nga pinalangga, nga kaniya may kalipay ako; paminawa ninyo siya.”
Ang mga Apostoles nangahadlok ug mihapa sa yuta. Gihikap sila ni Jesus ug miingon kanila nga dili mahadlok. Paghangad nila, ang langitnong mga mensahero wala na. Si Jesus miingon sa mga Apostoles nga dili mosulti ni bisan kinsa sa unsay ilang nakita hangtud human Siya mamatay ug mabanhaw.