Kapitulo 26
Jesus Mipasaylo sa usa ka Babaye
Usa ka Pariseo midapit sa Manluluwas sa pag-adto sa iyang balay ug sa pagkaon uban kaniya.
Usa ka babaye kinsa daghan og mga sala mipuyo diha sa siyudad. Siya nasayud nga si Jesus nagkaon didto sa balay sa Pariseo. Siya gusto nga mohimo og butang nga espesyal alang kang Jesus.
Siya miluhod ug mihugas sa mga tiil sa Manluluwas pinaagi sa iyang mga luha. Dayon iyang gipahiran sa iyang buhok ang Iyang mga tiil ug gihagkan kini. Siya mibutang usab niini og lana nga humot. Ang Pariseo nasayud nga ang babaye nakahimo og daghang mga butang nga mga sayop. Siya naghunahuna nga si Jesus kinahanglan dili unta motugot sa babaye nga mohikap Kaniya.
Ang Manluluwas nasayud kon unsay gihunahuna sa Pariseo. Siya miingon sa Pariseo nga ang babaye nakahimo og mas labaw pa kay sa nahimo sa Pariseo aron sa pag-atiman Kaniya. Ang Pariseo wala makahatag ni Jesus og tubig aron sa paghugas sa Iyang mga tiil o lana alang sa Iyang ulo, sama sa kasagarang gibuhat alang sa mga bisita.
Si Jesus misulti sa Pariseo nga ang mga sala sa babaye gipasaylo tungod kay siya nahigugma sa Manluluwas ug adunay hugot nga pagtuo diha Kaniya. Si Jesus misugo sa babaye sa paglakaw nga malinawon.
Lucas 7:47–50; Doktrina ug mga Pakigsaad 58:42–43; Jesus the Christ, 262–63