Kapitulo 59
Saulo Nahibalo mahitungod ni Jesus
Si Saulo nagtan-aw sa mga tawo nga mipatay ni Esteban. Usa ka adlaw si Saulo naglakaw paingon sa siyudad sa Damasco uban sa iyang pipila ka mga higala. Gusto niyang ipabilanggo ang uban nga mga disipulo ni Kristo.
Sa kalit lamang usa ka mahayag nga siga gikan sa langit ang mipalibut kaniya. Siya natumba sa yuta. Dayon nadungog ni Saulo ang tingog ni Jesus nga nangutana kaniya nganong gusto siya nga mosakit sa mga Santos. Si Saulo nahadlok. Siya nangutana kang Jesus unsay angay niyang buhaton. Ang Manluluwas miingon nga si Saulo kinahanglang moadto sa Damasco. Didto si Saulo sultihan unsay angay niya nga buhaton.
Gibuka ni Saulo ang iyang mga mata, apan dili siya makakita. Nabuta siya. Gidala siya sa iyang mga higala ngadto sa Damasco.
Usa ka disipulo ni Jesukristo nga ginganlan og Ananias mipuyo sa Damasco. Diha sa usa ka panan-awon, si Jesus misugo kang Ananias sa pag-adto ni Saulo.
Si Ananias adunay priesthood. Iyang gibutang ang iyang mga kamot sa ulo ni Saulo ug mipanalangin kaniya nga ang panan-aw ni Saulo mobalik. Human sa pagkaayo, si Saulo gibunyagan ug midawat sa gasa sa Espiritu Santo.
Si Saulo miusab sa iyang pangalan ngadto sa Pablo. Siya gitawag nga mahimong usa ka Apostol. Siya nahimong usa ka misyonaryo sa Simbahan. Misulat siya og daghang mga sulat. Siya miadto sa daghang mga dapit ug mitudlo sa ebanghelyo.