Kapitulo 52
Ang mga Husay ni Jesus
Ang mga pangulo sa mga Judeo mipadala og mga tawo nga may mga espada ug mga bunal ngadto sa Tanaman sa Getsemani.
Si Judas Iscariote miuban nila. Gibayran sa labaw nga mga pari si Judas aron motudlo sa mga tawo kon asa si Jesus.
Si Judas mitudlo sa mga tawo kinsa si Jesus pinaagi sa paghalok Kaniya. Ang mga tawo midakop kang Jesus. Siya ilang gibugal-bugalan ug gibunalan. Dayon ilang gidala si Jesus ngadto sa halangdon nga pari, nga si Caifas.
Ang mga pangulo sa mga Judeo nangutana kang Jesus. Sila miingon nga Siya nakalapas sa balaod pinaagi sa pagsulti nga Siya Anak sa Dios. Si Jesus misulti kanila nga Siya mao ang Anak sa Dios. Sila miingon nga si Jesus nakasala ug kinahanglan nga mamatay.
Ang mga pangulo sa mga Judeo walay awtoridad nga mopatay kang Jesus. Gidala nila Siya ngadto kang Poncio Pilato, kinsa maoy mohukom nga si Jesus patyon. Ang mga pangulo sa mga Judeo misulti ni Pilato nga si Jesus mitudlo sa mga tawo sa pagsupak sa balaod sa mga Romano.
Si Pilato nagtuo nga si Jesus walay sayop nga nahimo. Gusto ni Pilato nga buhian si Jesus. Ang mga tawo gusto nga ilansang sa krus si Jesus.
Sa gihapon gusto ni Pilato nga buhian si Jesus. Apan ang mga pari ug ang mga tawo nagsige og singgit nga gusto nilang ipalansang sa krus si Jesus.
Si Pilato nanghunaw sa iyang mga kamot. Siya miingon nga siya walay tulubagon sa kamatayon ni Jesus. Ang mga tawo miingon nga sila ang manubag sa Iyang kamatayon. Si Pilato misugo sa iyang mga sundalo sa paglansang ni Jesus sa krus.