Kapitulo 17
Nasuko nga mga Tawo sa Nazaret
Si Jesus miadto sa Nazaret, ang siyudad diin Siya nagdako.
Si Jesus misulod sa usa ka sinagoga, usa ka building diin ang mga Judeo mosimba. Siya mibarug ug mibasa gikan sa mga kasulatan. Iyang gibasa ang mga pulong ni propeta Isaias. Si Isaias miingon nga ang Manluluwas moanhi sa yuta ug motabang sa tanang mga tawo.
Pagkahuman og basa ni Jesus sa mga kasulatan ug milingkod, ang tanang mga tawo mitan-aw Kaniya.
Si Jesus miingon nga ang mga pulong ni Isaias naghisgut mahitungod Kaniya—nga Siya mao ang Manluluwas. Ang mga tawo nahibulong sa Iyang mga gipanulti. Sila miingon, “Dili ba kini siya ang anak man ni Jose?” Sila wala mituo nga si Jesus mao ang Anak sa Dios.
Ang Manluluwas nasayud unsay ilang gihunahuna. Gusto nila nga Siya mopakita og usa ka milagro. Apan si Jesus miingon kanila nga dili Siya magbuhat og mga milagro alang kanila tungod kay sila walay hugot nga pagtuo diha Kaniya.
Nakapasuko kini sa mga tawo. Ilang gidala si Jesus ngadto sa tumoy sa usa ka bungtod ug gusto nila nga ihulog Siya sa pangpang.
Si Jesus miikyas gikan kanila ug miadto sa laing siyudad.