Ang Unang Sambingay
Ang Nawala nga Karnero
Usa ka maayo nga magbalantay sa karnero adunay 100 ka mga karnero. Ang usa kanila nawala.
Ang magbalantay sa karnero mibiya sa 99 ka mga karnero aron sa pagpangita sa usa nga nawala. Sa dihang nakit-an niya kini, siya nalipay kaayo.
Gipas-an sa magbalantay ang karnero pauli sa panimalay. Iyang gitawag ang tanan niyang mga higala ug mga silingan sa pag-adto ug pagduyog sa iyang kalipay. Iyang nakit-an ang nawala nga karnero.
Si Jesukristo misulti sa mga Pariseo kon unsay kahulugan sa sambingay. Siya miingon nga kadtong kinsa nakasala sama sa nawala nga karnero.
Ingon nga ang magbalantay sa karnero gusto nga moluwas sa nawala nga karnero, si Jesus usab gusto nga moluwas niadtong kinsa nakasala.
Si Jesus miingon nga mao kana nganong nakig-istorya Siya uban sa mga makasasala.
Ug ingon nga ang magbalantay sa karnero nalipay kaayo sa dihang iyang nakit-an ang nawala nga karnero, si Jesus usab malipayon kaayo kon kita maghinulsol.