Kapitulo 30
Ang Pan sa Kinabuhi
Sa pagkasunod adlaw daghang mga tawo ang misulay sa pagpangita kang Jesus. Siya ilang gisundan ngadto sa Capernaum sakay sa mga sakayan.
Si Jesus nasayud nga sila gusto nga Siya mopakaon kanila og usab.
Si Jesus mitudlo kanila nga ang pan makapabilin nilang buhi sulod lamang sa mubong panahon. Siya miingon nga adunay laing klase sa pan nga kinahanglan nilang tinguhaon—ang Pan sa Kinabuhi. Siya miingon kanila nga Siya mao ang Pan sa Kinabuhi.
Si Jesus mitudlo sa mga tawo nga Siya mosakripisyo sa Iyang kinabuhi alang kanila. Siya miingon nga kon sila mosunod ug motuo Kaniya, sila makabaton og kinabuhing walay katapusan.