« ការត្រៀមខ្លួនជាស្រេចរបស់ខ្ញុំសម្រាប់អាជីវកម្មដ៏ជោគជ័យ ៖ ដៃគូសកម្មភាព » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )
« ការត្រៀមខ្លួនជាស្រេចរបស់ខ្ញុំសម្រាប់អាជីវកម្មដ៏ជោគជ័យ ៖ ដៃគូសកម្មភាព »
ដៃគូសកម្មភាព
ម៉ោងជាអតិបរមា ៖ ១០ នាទី
អាន ៖
ដោយមានជំនួយពីមនុស្សដទៃ អ្នកអាចសម្រេចកិច្ចការដ៏ធំ ។ ឧទាហរណ៍ អ្នកផ្សាយសាសនា មានដៃគូសម្រាប់គាំទ្រ ។ នៅក្នុងក្រុមទាំងឡាយរបស់យើង យើងមាន « ដៃគូសកម្មភាព ។ » រៀងរាល់សប្តាហ៍ យើងនឹងជ្រើសរើស ហើយធ្វើការជាមួយដៃគូសកម្មភាពម្នាក់ ។ ដៃគូសកម្មភាពជួយគ្នាទៅវិញទៅមកក្នុងការរក្សាការតាំងចិត្តតាមរយៈ ៖
-
ការទូរសព្ទ ការផ្ញើសារ ឬការសួរសុខទុក្ខគ្នាទៅវិញទៅមកអំឡុងសប្តាហ៍ ។
-
ការពិភាក្សាអំពីអ្វីដែលយើងបានរៀននៅក្នុងការប្រជុំក្រុម ។
-
ការលើកទឹកចិត្តគ្នាទៅវិញទៅមកឲ្យរក្សាការតាំងចិត្តនានា ។
-
ការប្រឹក្សារួមគ្នាអំពីឧបសគ្គនានា ។
-
អធិស្ឋានសម្រាប់គ្នាទៅវិញទៅមក ។
ពិភាក្សា ៖
តើមាននរណាម្នាក់បានជួយអ្នកឲ្យសម្រេចបាននូវរឿងអ្វីមួយដែលពិបាកដោយរបៀបណា ?
អាន ៖
ការធ្វើជាដៃគូសកម្មភាពគឺពុំលំបាក ឬចំណាយពេលច្រើននោះទេ ។ ដៃគូមួយចំនួនទូរសព្ទរកគ្នាទៅវិញទៅមក ដៃគូមួយចំនួនទៀតជួបមុខគ្នាផ្ទាល់ ហើយមួយចំនួនទៀតផ្ញើសារឲ្យគ្នាទៅវិញទៅមក ។ ដើម្បីចាប់ផ្តើមការសន្ទនានេះ អ្នកអាចសួរថា ៖
-
តើអ្នកបានចូលចិត្តអ្វីខ្លះកាលពីប្រជុំក្រុមលើកចុងក្រោយរបស់យើង ?
-
តើមានរឿងល្អៗអ្វីខ្លះបានកើតឡើងចំពោះអ្នកនៅសប្តាហ៍នេះ ពេលអ្នកបានខិតខំរក្សាការតាំងចិត្តនានារបស់អ្នកនោះ ?
-
តើអ្នកបានប្រើប្រាស់គោលការណ៍ « មូលដ្ឋានគ្រឹះរបស់ខ្ញុំ » ក្នុងសប្តាហ៍នេះតាមរបៀបណា ?
ផ្នែកដ៏សំខាន់បំផុតនៃការពិភាក្សានេះគឺជាការជួយគ្នាទៅវិញទៅមកដើម្បីរក្សាការតាំងចិត្តនានា ។ អ្នកអាចសួរថា ៖
-
តើអ្នកកំពុងធ្វើតាមការតាំងចិត្តបានល្អប៉ុណ្ណា ?
-
ប្រសិនបើអ្នកពុំបានរក្សាការតាំងចិត្តទាំងនោះទេ តើអ្នកត្រូវការជំនួយដែរឬទេ ?
-
តើខ្ញុំអាចជួយជ្រោមជ្រែងឲ្យអស់ពីសមត្ថភាពដល់កិច្ចខិតខំរបស់អ្នកដោយរបៀបណា ?