« ការពង្រីកអាជីវកម្មរបស់ខ្ញុំ ៖ រៀន » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )
« ការពង្រីកអាជីវកម្មរបស់ខ្ញុំ ៖ រៀន »
រៀន
ម៉ោងជាអតិបរមា ៖ ៦០ នាទី
១. របៀបបីយ៉ាងដើម្បីពង្រីកអាជីវកម្មរបស់ខ្ញុំ
២. ការពង្រីកសេវាកម្ម ឬផលិតផលរបស់ខ្ញុំ
អាន ៖
របៀបមួយដ៏មានប្រសិទ្ធភាពដើម្បីពង្រីកអាជីវកម្មរបស់អ្នកគឺ តាមរយៈការផ្តល់សេវាកម្ម ឬផលិតផលបន្ថែមដែលបំពេញតម្រូវការរបស់អតិថិជនដែលជាគោលដៅរបស់អ្នក ។ សេវាកម្ម និងផលិតផលថ្មីបង្កើតលំហូរចំណូលបន្ថែម ដែលជួយផ្តល់ស្ថេរភាពដល់អាជីវកម្មរបស់អ្នក ។ គំរូមួយចំនួនអាចរួមមានបង្ហាញដូចខាងក្រោមនេះ ។
សូមកត់ចំណាំថា សេវាកម្ម ឬផលិតផលនីមួយដែលបានពង្រីករួចនៅក្នុងឧទាហរណ៍ទាំងនេះគឺជាការពង្រីកត្រូវគ្នានឹងគ្រឹះនៃអាជីវកម្ម ។
៣. ការពង្រីកគោលដៅទីផ្សាររបស់អ្នក
អាន ៖
របៀបមួយទៀតដើម្បីជួយអាជីវកម្មរបស់អ្នករីកចម្រើនគឺ តាមរយៈការពង្រីកទំហំគោលដៅទីផ្សាររបស់អ្នក ។ ការណ៍នេះនឹងធ្វើឲ្យអ្នកផ្តោតចិត្ត និងទាក់ទងជាមួយអតិថិជនកាន់តែច្រើន ដែលនឹងនាំទៅរកអាជីវកម្មកាន់តែច្រើនទៀត ។ របៀបមួយចំនួនដែលអ្នកអាចពង្រីកគោលដៅទីផ្សាររបស់អ្នកត្រូវបានបង្ហាញដូចខាងក្រោម ។
ពិភាក្សា ៖
-
តើកត្តាអ្វីខ្លះដែលអ្នកចង់ស្រាវជ្រាវ និងពិចារណាពីមុនធ្វើតាមជម្រើសណាមួយនៃជម្រើសទាំងនេះ ?
-
តើអ្នកនឹងបន្តរក្សាគុណភាពនៃសេវាកម្ម ឬផលិតផលនៅក្នុងអាជីវកម្មគោលរបស់អ្នកនៅពេលអ្នកពង្រីកវាយ៉ាងដូចម្តេច ?
៤. ការប្រកួតប្រជែងយកភាគរយទីផ្សារឲ្យបានកាន់តែច្រើន
អាន ៖
អ្នកក៏អាចពង្រីកអាជីវកម្មរបស់អ្នកតាមរយៈ ការប្រកួតប្រជែងយកភាគរយទីផ្សារឲ្យបានកាន់តែច្រើន ។ ម្ចាស់អាជីវកម្មធ្វើបែបនេះ តាមរយៈការផ្តោតទៅលើអត្ថប្រយោជន៍នៃការប្រកួតប្រជែងរបស់ពួកគេ និងការបង្កើនគុណភាពនៃសេវាកម្ម ឬផលិតផលរបស់គេ ដើម្បីឲ្យអតិថិជននឹងប្តូរមកអាជីវកម្មរបស់ពួកគេ ។ ឧទាហរណ៍ ម្ចាស់រោងភាពយន្តមួយអាចវិនិយោគកៅអីដែលមានផាសុកភាព និងជម្រើសអាហារដែលមានគុណភាពខ្ពស់ជាង ដែលអាចទាក់ទាញមនុស្សដែលចូលរោងភាពយន្តផ្សេង ។
៥. ការធ្វើឲ្យមានឱកាសរីកចម្រើនខ្លាំងបំផុត
អាន ៖
យើងទើបតែរៀនអំពីរបៀបបីយ៉ាងដើម្បីពង្រីកអាជីវកម្ម ។ ប្រសិនបើអ្នកចង់ពង្រីកអាជីវកម្មរបស់អ្នក នោះអ្នកត្រូវតែរកមើលឱកាសរីកចម្រើនដែលអាចមានយ៉ាងសកម្ម ។ ម្ចាស់អាជីវកម្មជោគជ័យរៀនតាមរយៈការធ្វើសកម្មភាព ( សូមមើល គ.&និង ស. ៥៨:២៦–២៨ ) ។ ពួកគេអនុវត្តប្រាជ្ញា នៅពេលពិចារណាអំពីឱកាសថ្មីៗ ដើម្បីពង្រីកអាជីវកម្មពួកគេ តាមរយៈការវាយតម្លៃយ៉ាងយកចិត្តទុកដាក់លើធនធានបន្ថែម និងឧបសគ្គនានាដែលអាចកើតមាន ។ ប៉ុន្តែពួកគេពុំខ្លាចដើម្បីដកពិសោធន៍ និងធ្វើខុសឡើយ ។ ពួកគេមើលទៅកំហុសថា ជាឱកាសដើម្បីពន្លឿនការរៀនសូត្ររបស់ពួកគេ ដែលអាចធ្វើឲ្យពួកគេកាន់តែរឹងមាំ ហើយបន្តឆ្ពោះកាន់តែជិតគោលដៅរបស់ពួកគេ ។ ពួកគេមានភាពក្លាហានដើម្បីប្តូរការផ្តោតចិត្តទុកដាក់នៃអាជីវកម្មរបស់ពួកគេ ដើម្បីបំពេញតម្រូវការដែលផ្លាស់ប្តូររបស់អតិថិជន ប្រសិនបើចាំបាច់ ។
ពិភាក្សា ៖
សូមស្រមៃពីម្ចាស់អាជីវកម្មដែលលាបថ្នាំឆ្នូតៗនៅចំណតរថយន្ត ។ គាត់កំណត់ថា គាត់អាចទទួលបានអាជីវកម្មបន្ថែមទៀត តាមរយៈការប្តូរទិសដៅនៃការផ្តោតចិត្តទុកដាក់ទៅលើអាជីវកម្មរបស់គាត់ ។ បន្ទាប់ពីនិយាយជាមួយអតិថិជនរបស់គាត់មក គាត់ដឹងថា ពួកគេនឹងមានឆន្ទៈចំណាយច្រើនជាង ប្រសិនបើអាជីវកម្មគាត់លាបថ្នាំពណ៌ខ្មៅលើគំនូសចាស់ ហើយដំឡើងទួលនៅកន្លែងចំណត និងទួលបន្ថយល្បឿន ។ គាត់បានវិភាគអំពីរឿងនេះយ៉ាងលម្អិត ហើយជឿថា វាអាចផ្តល់ប្រាក់បន្ថែមទៀត ដូច្នេះគាត់សម្រេចចិត្តធ្វើតាមឱកាសថ្មីៗទាំងនេះ ។
-
តើមានឱកាស ឬឧបសគ្គអ្វីខ្លះដែលអ្នកបានកត់សម្គាល់ដែលអាចធ្វើឲ្យអ្នកប្តូរការផ្តោតចិត្តលើអាជីវកម្មរបស់អ្នក ?
៦. ការអភិវឌ្ឍទម្លាប់នៃការបរិច្ចាគទៅក្នុងការសន្សំប្រាក់ផ្ទាល់ខ្លួន
អាន ៖
លទ្ធភាពរបស់អ្នកដើម្បីពង្រីកអាជីវកម្មអាចត្រូវបានផ្តល់ជាជំនួយយ៉ាងខ្លាំង ប្រសិនបើអ្នកមានប្រាក់សន្សំផ្ទាល់ខ្លួនដែលអ្នកអាចប្រើបាន ។ ទម្លាប់មួយដែលញែកម្ចាស់អាជីវកម្មឲ្យជោគជ័យនោះគឺថា ពួកគេសន្សំប្រាក់យ៉ាងទៀងទាត់ ។ យើងត្រូវបានទូន្មានឲ្យថ្វាយដង្វាយមួយភាគក្នុងដប់ និងដង្វាយផ្សេងៗជាមុនសិន ។ បន្ទាប់មក យើងគួរតែចំណាយសម្រាប់ខ្លួនយើង តាមរយៈការសន្សំចំណែកមួយនៃប្រាក់របស់យើង ។
ការសន្សំប្រាក់ផ្តល់មូលនិធិសម្រាប់គ្រាអាសន្ន និងតម្រូវការដែលពុំបានគ្រោងទុក ។ វាក៏ផ្តល់ភាពសុខសាន្តក្នុងចិត្ត ការបត់បែនជាមួយនឹងការសម្រេចចិត្តក្នុងជីវិត និងជាធនធានសម្រាប់ឱកាសនានាដូចជាការពង្រីកអាជីវកម្មជាដើម ។ ដោយសារមានរបៀបជាច្រើនដើម្បីសន្សំប្រាក់ នោះអ្វីដែលសំខាន់បំផុតនោះគឺត្រូវ សន្សំប្រាក់រៀងរាល់សប្តាហ៍ ។
បច្ចេកវិទ្យាអាចជួយអ្នកឲ្យសន្សំប្រាក់ ។ អ្នកអាចដំឡើងឧបករណ៍ដែលដកប្រាក់ដោយស្វ័យប្រវត្តិពីប្រាក់ខែរបស់អ្នក ឬផ្ទេរប្រាក់ដោយស្វ័យប្រវត្តិពីគណនីដំណើរការរបស់អ្នកទៅក្នុងគណនីសន្សំ ។ ការកាត់ប្រាក់ ឬការផ្ទេរប្រាក់ដោយស្វ័យប្រវត្តិអាចជួយដល់ការសន្សំដោយមិនបាច់ប្រឹងប្រែងច្រើន ។ របៀបជាទូទៅមួយចំនួនទៀតដើម្បីសន្សំប្រាក់រួមមាន ៖
-
បង្កើតមូលនិធិអាសន្នមួយ ។
-
បង្កើតគម្រោងថវិកា ។
-
ធ្វើការឆ្ពោះទៅកាន់គោលដៅសន្សំប្រាក់រយៈពេលខ្លី ។
-
ដាក់ប្រាក់បញ្ញើទាំងអស់ដែលអ្នកទទួលបាន ដូចជាប្រាក់បង់ពន្ធដែលគេសងមកវិញ ប្រាក់ថ្ងៃខួបកំណើត ប្រាក់បន្ថែមនានា និងប្រាក់មកពីកេរ្តិ៍ដំណែល ។
-
បង្កើតគណនីសន្សំប្រាក់សម្រាប់បេសកកម្ម ការអប់រំ ប្រាក់ចូលនិវត្តន៍ ឱកាសអាជីវកម្ម ឬគោលដៅផ្ទាល់ខ្លួនដទៃទៀត ។
-
ត្រូវសន្សំប្រាក់របស់អ្នក បើពុំនោះទេអ្នកនឹងបាត់បង់ឱកាសរបស់អ្នក ។
ពិភាក្សា ៖
តើមានវិធីសាស្ត្រអ្វីខ្លះដែលដំណើរការល្អបំផុតដើម្បីជួយអ្នកឲ្យសន្សំប្រាក់យ៉ាងទៀងទាត់ ?
៧. កាត់បន្ថយចំណាយថ្លៃដើមដែលពុំចាំបាច់
អាន ៖
ជារឿយៗ ដើម្បីរក្សាកម្រិតប្រាក់ចំណេញឲ្យបានល្អ ម្ចាស់អាជីវកម្មត្រូវរៀនប្រតិបត្តិការជាមួយនឹងធនធានមួយចំនួនដែលទាក់ទង ។ ម្ចាស់អាជីវកម្មជោគជ័យចំណាយប្រាក់ដោយឈ្លាសវៃ និងដោយការសម្រេចចិត្តត្រឹមត្រូវដើម្បីកំណត់ថា តើចំណាយថ្លៃដើមណាមួយដែលស័ក្តិសម និងមិនស័ក្តិសម ។ ជួនកាល ពួកគេត្រូវធ្វើសកម្មភាពយ៉ាងក្លាហាន តាមរយៈការតាំងចិត្តដើម្បីកាត់បន្ថយភាគរយជាក់លាក់នៃចំណាយថ្លៃដើមរបស់ពួកគេ បន្ទាប់មកស្វែងរករបៀបសន្សំប្រាក់ដែលច្នៃប្រឌិត ប៉ុន្ដែពិតប្រាកដ ។ របៀបទូទៅមួយចំនួនដែលម្ចាស់អាជីវកម្មគ្រប់គ្រងចំណាយថ្លៃដើមដោយមានប្រសិទ្ធភាពត្រូវបានបង្ហាញដូចខាងក្រោម ។
រូបភាព រូបតំណាងចូរធ្វើជាធនធាន ចូរធ្វើជាធនធាន ៖ សូមចែកចាយ ឬប្រើប្រាស់ឧបករណ៍ និងគ្រឿងបរិក្ខារឡើងវិញ, មានឆន្ទៈដើម្បីទិញរបស់ជជុះជាជាងរបស់ថ្មី ។ ឧទាហរណ៍ ហាងគូរប្លង់មួយបានជ្រើសរើសទិញគ្រឿងសង្ហារិមការិយាល័យជជុះដែលបំពេញតម្រូវការរបស់ហាង ។ |
រូបភាព រូបសញ្ញាផ្តោតលើការថែទាំ រក្សាការផ្ដោតចិត្ត ៖ សូមប្រើពេលវេលាយ៉ាងមានប្រសិទ្ធភាព តាមរយៈការផ្តោតចិត្តលើអាទិភាព និងគម្រោងនានាដែលបង្កើតប្រាក់ចំណូលច្រើនបំផុត ។ ឧទាហរណ៍ ក្រុមហ៊ុនវិស្វករមួយមានជំនាញពិសេសតាមរយៈការផ្តោតចិត្តលើសេវាកម្មបីដែលផ្តល់ប្រាក់ចំណេញខ្លាំងបំផុតដល់ពួកគេ ។ |
រូបភាព រូបសញ្ញាការប្រើប្រាស់បច្ចេកវិទ្យា ការប្រើប្រាស់បច្ចេកវិទ្យា ៖ សូមប្រើបច្ចេកវិទ្យាដើម្បីបង្កើនផលិតផល កែលម្អទំនាក់ទំនង និងកាត់បន្ថយចំណាយថ្លៃដើម ។ ឧទាហរណ៍ ដើម្បីកាត់បន្ថយចំណាយធ្វើដំណើរ អាជីវកម្មអភិវឌ្ឍកម្មវិធីមួយ ដោយប្រើសេវាកម្មការនិយាយវីដេអូសន្និសីទ និងការទូរសព្ទសន្និសីទដែលមានតម្លៃទាប ។ |
រូបភាព រូបសញ្ញាការប្រើប្រាស់អំណាចនៃការទិញ ការប្រើប្រាស់អំណាចនៃការទិញ ៖ ដើរទិញទំនិញ ឬទទួលការវាយតម្លៃចំណាយថ្លៃដើមពីប្រភពជាច្រើន, ពិភាក្សាការចំណាយដើម្បីទទួលបានតម្លៃដែលល្អបំផុត ឬទិញទំនិញដុំ ។ ឧទាហរណ៍ អាជីវកម្មផលិតវត្ថុមកពីស្បែក បានស្នើការវាយតម្លៃចំណាយថ្លៃដើមមកពីអ្នកដែលអាចក្លាយជាអ្នកផ្គត់ផ្គង់ស្បែកជាច្រើន ។ |