២ ៖ តាំងចិត្ត

« ការដោះស្រាយតម្រូវការរបស់អតិថិជនដែលពុំបានបំពេញ ៖ តាំងចិត្ត » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )

« ការដោះស្រាយតម្រូវការរបស់អតិថិជនដែលពុំបានបំពេញ ៖ តាំងចិត្ត »

តាំងចិត្ត

ម៉ោងជាអតិបរមា ៖ ៥ នាទី

សៀវភៅកំណត់ហេតុអាជីវកម្ម

តម្រូវការរបស់អតិថិជនដែលពុំបានបំពេញ

អាន ៖

ក្នុងនាមជាម្ចាស់អាជីវកម្ម វាសំខាន់សម្រាប់អ្នកក្នុងការរហ័សដឹង និងនិយាយជាមួយមនុស្សរៀងរាល់ថ្ងៃ ដើម្បីស្វែងរកតម្រូវការរបស់អតិថិជនដែលពុំបានបំពេញ ។ រៀងរាល់ថ្ងៃនៅក្នុងសប្តាហ៍នេះ សូមកត់ត្រានៅក្នុងសៀវភៅកំណត់ហេតុអាជីវកម្មរបស់អ្នកនូវតម្រូវការរបស់អតិថិជនដែលពុំបានបំពេញ ដែលអ្នកសង្កេតឃើញ ។ បង្កើតបញ្ជីមួយនៃតម្រូវការរបស់អតិថិជនដែលពុំបានបំពេញចំនួនប្រាំ នៅក្នុងសៀវភៅកំណត់ហេតុអាជីវកម្មរបស់អ្នក ហើយត្រៀមខ្លួនចែកចាយវាជាមួយក្រុមនៅសប្តាហ៍បន្ទាប់ ។

អត្ថប្រយោជន៍នៃការប្រកួតប្រជែង

អាន ៖

វាក៏សំខាន់ផងដែរសម្រាប់អ្នកក្នុងការកត់ចំណាំមើលពីអត្ថប្រយោជន៍នៃការប្រកួតប្រជែង ។ សប្តាហ៍នេះ សូមជ្រើសរើសអាជីវកម្មប្រាំផ្សេងៗពីគ្នានៅក្នុងសហគមន៍របស់អ្នក ដែលអ្នកចាប់អារម្មណ៍ ហើយគិតអំពីអត្ថប្រយោជន៍នៃការប្រកួតប្រជែងជាក់លាក់ដែលវាមាន ។ កត់ត្រាអត្ថប្រយោជន៍ទាំងនេះនៅក្នុងសៀវភៅកំណត់ហេតុអាជីវកម្មរបស់អ្នក ហើយត្រៀមខ្លួនចែកចាយវាជាមួយក្រុមនៅសប្តាហ៍បន្ទាប់ ។

សូមអានការតាំងចិត្តនីមួយៗខាងក្រោមនេះជាមួយដៃគូសកម្មភាពរបស់អ្នក ។ សមត្ថភាពរបស់អ្នកដើម្បីទទួលជោគជ័យក្នុងការចាប់ផ្តើម ឬពង្រីកអាជីវកម្មរបស់អ្នកនឹងបានប្រសើរឡើងយ៉ាងលឿន នៅពេលអ្នកព្យាយាមរក្សាការតាំងចិត្តរបស់អ្នករៀងរាល់សប្តាហ៍ ។ សន្យាដើម្បីរក្សាការតាំងចិត្តរបស់អ្នក រួចហើយចុះហត្ថលេខានៅខាងក្រោមនេះ ។

ការតាំងចិត្តរបស់ខ្ញុំ
ក. ខ្ញុំនឹងរក្សាការតាំងចិត្ត « មូលដ្ឋានគ្រឹះរបស់ខ្ញុំ » នាសប្តាហ៍នេះ ៖ បង្ហាញសេចក្តីជំនឿរបស់ខ្ញុំនាថ្ងៃអាទិត្យនេះ តាមរយៈការរក្សាថ្ងៃឈប់សម្រាកឲ្យបរិសុទ្ធ ហើយទទួលទានសាក្រាម៉ង់ដោយគារវភាព ។ អានព្រះគម្ពីរមរមនរៀងរាល់ថ្ងៃ ។ អាន « ព្រះគម្ពីរអំពីសេចក្តីជំនឿនៅក្នុងសកម្មភាព » នៅក្នុងវគ្គ « មូលដ្ឋានគ្រឹះរបស់ខ្ញុំ » ក្នុងជំពូកនេះ ។ ជ្រើសរើសសកម្មភាពមួយ ហើយចែកចាយវាជាមួយគ្រួសារ ឬមិត្តភក្តិរបស់ខ្ញុំ ។
ខ. ខ្ញុំនឹងបង្កើតបញ្ជីមួយអំពីតម្រូវការរបស់អតិថិជនដែលពុំត្រូវបានបំពេញចំនួនប្រាំ នៅក្នុងសៀវភៅកំណត់ហេតុអាជីវកម្មរបស់ខ្ញុំ ។
គ. ខ្ញុំនឹងបង្កើតបញ្ជីមួយអំពីអត្ថប្រយោជន៍នៃការប្រកួតប្រជែងសម្រាប់អាជីវកម្មប្រាំផ្សេងៗគ្នា នៅក្នុងសៀវភៅកំណត់ហេតុអាជីវកម្មរបស់ខ្ញុំ ។
ឃ. ខ្ញុំនឹងពិនិត្យមើលទំព័រ « ពិចារណា » ហើយរក្សាការតាំងចិត្ត ។
ង. ខ្ញុំនឹងទាក់ទង ហើយជួយជ្រោមជ្រែងដៃគូសកម្មភាពរបស់ខ្ញុំ ។

សូមចងចាំថា សប្តាហ៍បន្ទាប់អ្នកនឹងត្រូវបានសូមឲ្យរាយការណ៍នូវចំនួនថ្ងៃដែលអ្នកបាននិយាយជាមួយអតិថិជន ហើយកត់ត្រានៅក្នុងសៀវភៅកំណត់ហេតុអាជីវកម្មរបស់អ្នក ( សូមមើលតារាង « ការវាយតម្លៃកិច្ចខិតខំរបស់ខ្ញុំ » នៅផ្នែកចាប់ផ្តើមនៃសៀវភៅនេះ ) ។

ហត្ថលេខារបស់ខ្ញុំ

ហត្ថលេខារបស់ដៃគូសកម្មភាព

អធិស្ឋានបិទ ។