១២ ៖ រាយការណ៍

« ការបង្ហាញអំពីអាជីវកម្មរបស់ខ្ញុំ ៖ រាយការណ៍ » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )

« ការបង្ហាញអំពីអាជីវកម្មរបស់ខ្ញុំ ៖ រាយការណ៍ »

រាយការណ៍

ម៉ោងជាអតិបរមា ៖ ១៥ នាទី

អធិស្ឋានបើក ។

ដោយសារយើងចង់មានពេលសញ្ជឹងគិតអំពីរយៈពេល ១២ សប្តាហ៍កន្លងទៅសម្រាប់វគ្គសិក្សានេះ ដើម្បីពិភាក្សាអំពីរបៀបដើម្បីបន្តឆ្ពោះទៅមុខ ហើយផ្តល់ពេលវេលាដល់សមាជិកក្រុមទាំងអស់ឲ្យធ្វើបទបង្ហាញអាជីវកម្មរបស់ពួកគេ នោះសូមដាក់ផែនការការប្រជុំនេះរយៈពេល ២ ម៉ោងកន្លះ ។

ការតាំងចិត្តពីសប្តាហ៍មុន

ក. រក្សាការតាំងចិត្ត « មូលដ្ឋានគ្រឹះរបស់ខ្ញុំ » ។

ខ. ស្រាវជ្រាវអំពីតម្រូវការផ្នែកច្បាប់ និងបទបញ្ជាសម្រាប់អាជីវកម្មរបស់ខ្ញុំ ។

គ. រៀបចំ និងអនុវត្តការធ្វើបទបង្ហាញអាជីវកម្មរបស់ខ្ញុំ ។

ឃ. ពិនិត្យមើលទំព័រ « ពិចារណា » ហើយរក្សាការតាំងចិត្តនានា ។

ង. ទាក់ទង ហើយជួយជ្រោមជ្រែងដៃគូសកម្មភាពរបស់ខ្ញុំ ។

ជំហានទី ១ ៖ វាយតម្លៃជាមួយដៃគូសកម្មភាព ( ៥ នាទី )

ចំណាយពេលពីរបីនាទីដើម្បីវាយតម្លៃការខិតខំប្រឹងប្រែងរបស់អ្នកដើម្បីរក្សាការតាំងចិត្តរបស់អ្នកនៅសប្ដាហ៍នេះ ។ សូមប្រើតារាង « ការវាយតម្លៃកិច្ចខិតខំរបស់ខ្ញុំ » នៅខាងដើមសៀវភៅសិក្សានេះ ។ បន្ទាប់មក ចែកចាយការវាយតម្លៃរបស់អ្នកជាមួយដៃគូរបស់អ្នក ហើយពិភាក្សាជាមួយគាត់អំពីសំណួរដូចតទៅនេះ ។

ពិភាក្សា ៖

តើអ្នកបានមានឧបសគ្គអ្វីខ្លះ ក្នុងការរក្សាការតាំងចិត្តរបស់អ្នកនាសប្តាហ៍នេះ ?

ជំហានទី ២ ៖ រាយការណ៍ដល់ក្រុម ( ៨ នាទី )

បន្ទាប់ពីការវាយតម្លៃកិច្ចខិតខំរបស់អ្នករួច សូមត្រឡប់មករួមគ្នាជាក្រុមវិញ ហើយរាយការណ៍អំពីលទ្ធផលរបស់អ្នក ។ សូមធ្វើការក្នុងក្រុម ហើយម្នាក់ៗថ្លែងថា តើអ្នកបានដាក់ខ្លួនអ្នកនូវពណ៌ក្រហម ពណ៌លឿង ឬពណ៌បៃតងសម្រាប់ការតាំងចិត្តនីមួយៗកាលពីសប្តាហ៍មុន ។ ក៏សូមថ្លែងអំពីចំនួនថ្ងៃដែលអ្នកបានអនុវត្តនូវជំនាញអាជីវកម្មគន្លឹះនីមួយៗ នៅពេលបានរាយការណ៍នៅលើតារាង « ការវាយតម្លៃកិច្ចខិតខំរបស់ខ្ញុំ » ។

ជំហានទី ៣ ៖ ចែកចាយបទពិសោធន៍របស់អ្នក ( ១០ នាទី )

ឥឡូវនេះ សូមចែកចាយជាក្រុមអំពីអ្វីដែលអ្នកបានរៀនមកពីការខិតខំរក្សាការតាំងចិត្តរបស់អ្នកអំឡុងសប្ដាហ៍នេះ ។

ពិភាក្សា ៖

តើអ្នកមានបទពិសោធន៍អ្វីខ្លះ ក្នុងការរក្សាការតាំងចិត្តរបស់អ្នកស្ដីពី « មូលដ្ឋានគ្រឹះរបស់ខ្ញុំ » ?
តើអ្នកបានរៀនអ្វីខ្លះមកពីការស្រាវជ្រាវអំពីតម្រូវការផ្នែកច្បាប់ និងបទបញ្ជាសម្រាប់អាជីវកម្មរបស់អ្នក ?

ជំហានទី ៤ ៖ ជ្រើសរើសដៃគូសកម្មភាព ( ២ នាទី )

ជ្រើសរើសដៃគូសកម្មភាពម្នាក់ចេញពីក្រុមសម្រាប់សប្ដាហ៍ក្រោយ ។ ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។

ចំណាយពេលបីបួននាទីឥឡូវនេះ ដើម្បីជួបជាមួយនឹងដៃគូសកម្មភាពរបស់អ្នក ។ សូមណែនាំខ្លួនរបស់អ្នក ហើយពិភាក្សាអំពីរបៀបដែលអ្នកនឹងទាក់ទងគ្នាពេញមួយសប្តាហ៍ ។

ទោះបីជានេះជាសប្តាហ៍ចុងក្រោយក្នុងក្រុមក្តី ក៏អ្នកគួរតែមានដៃគូសកម្មភាពមួយ ដើម្បីជួយអ្នកជាមួយនឹងការតាំងចិត្តក្នុងសប្តាហ៍ទី ១២ របស់អ្នកដែរ ។

ឈ្មោះដៃគូសកម្មភាព

ព័ត៌មានទាក់ទង

សូមសរសេរអំពីរបៀប និងពេលវេលាដែលអ្នកនឹងទាក់ទងគ្នានៅក្នុងសប្តាហ៍នេះ ។