« ការដោះស្រាយតម្រូវការរបស់អតិថិជនដែលពុំបានបំពេញ ៖ មូលដ្ឋានគ្រឹះរបស់ខ្ញុំ ៖ អនុវត្តសេចក្ដីជំនឿលើព្រះយេស៊ូវគ្រីស្ទ » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )
« ការដោះស្រាយតម្រូវការរបស់អតិថិជនដែលពុំបានបំពេញ ៖ មូលដ្ឋានគ្រឹះរបស់ខ្ញុំ »
មូលដ្ឋានគ្រឹះរបស់ខ្ញុំ ៖ អនុវត្តសេចក្ដីជំនឿលើព្រះយេស៊ូវគ្រីស្ទ
ម៉ោងជាអតិបរមា ៖ ២០ នាទី
ពិចារណា ៖
តើសេចក្ដីជំនឿរបស់ខ្ញុំលើព្រះយេស៊ូវគ្រីស្ទនឹងជះឥទ្ធិពលលើភាពខ្លួនទីពឹងខ្លួនរបស់ខ្ញុំយ៉ាងដូចម្តេច ?
មើល ៖
« Exercise Faith in Jesus Christ » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអានអត្ថបទវីដេអូនៅចុងវគ្គនេះ ) ។
ពិភាក្សា ៖
ហេតុអ្វីសេចក្ដីជំនឿពិតតែងតែដឹកនាំទៅរកសកម្មភាព ? ហេតុអ្វីសេចក្ដីជំនឿគឺជារឿងដ៏ចាំបាច់ចំពោះព្រះដើម្បីជួយយើងខាងសាច់ឈាម និងខាងព្រលឹងវិញ្ញាណ ?
អាន ៖
ម៉ាថាយ ៦:៣០ និងការដកស្រង់មកពី Lectures on Faith ( ការបង្រៀនអំពីសេចក្តីជំនឿ ) ។
តាំងចិត្ត ៖
សូមតាំងចិត្តធ្វើសកម្មភាពដូចខាងក្រោមក្នុងអំឡុងសប្ដាហ៍ ។
-
បង្ហាញសេចក្តីជំនឿរបស់អ្នកនាថ្ងៃអាទិត្យនេះ តាមរយៈការរក្សាថ្ងៃឈប់សម្រាកឲ្យបរិសុទ្ធ ហើយទទួលទានសាក្រាម៉ង់ដោយគារវភាព ។
-
អានព្រះគម្ពីរមរមនជារៀងរាល់ថ្ងៃ ។
-
ជ្រើសរើសខគម្ពីរមួយពីខគម្ពីរខាងក្រោមនេះ ហើយចែកចាយវាជាមួយគ្រួសារ ឬមិត្តភក្តិរបស់ខ្ញុំ ។
បទគម្ពីរនានាអំពីសេចក្តីជំនឿជាសកម្មភាព
ដោយសារដានីយ៉ែលពុំឈប់អធិស្ឋាន នោះគាត់ត្រូវបានគេបោះចូលក្នុងរូងសិង្ហ ប៉ុន្តែ « ព្រះ . . . បានចាត់ទេវតារបស់ទ្រង់ ហើយ . . . ឲ្យមកបិទមាត់សិង្ហ . . . ហើយឥតឃើញមានរបួសណានៅខ្លួនលោកឡើយ ពីព្រោះលោកបានទុកចិត្តនឹងព្រះនៃលោក » ( ដានីយ៉ែល ៦:២២–២៣, សូមមើលផងដែរ ខទី ១៦–២១ ) ។
ព្រះអម្ចាស់បានប្រទានលីអាហូណាដល់លីហៃដើម្បីដឹកនាំគ្រួសាររបស់លោក ហើយ « វាបានធ្វើការឲ្យគេ ស្របតាមសេចក្ដីជំនឿរបស់គេនៅក្នុងព្រះ ។ . . . [ នៅពេល ] ពួកគេខ្ជិលច្រអូស ហើយភ្លេចអនុវត្តសេចក្ដីជំនឿ និងសេចក្ដីព្យាយាមរបស់គេ . . . នោះពួកគេពុំអាចធ្វើដំណើរទៅមុខទៀតបានទេ » ( អាលម៉ា ៣៧:៤០–៤១ ) ។
« ចូរនាំយកដង្វាយមួយភាគក្នុងដប់ទាំងអស់មកដាក់ក្នុងឃ្លាំងចុះ . . . ហើយល្បងលយើងឥឡូវ . . . បើយើងមិនបើកទ្វារស្ថានសួគ៌ ដើម្បីចាក់ព្រះពរមកលើឯង ដែលនឹងគ្មានកន្លែងល្មមទុកបានទេ » ( ម៉ាឡាគី ៣:១០ ) ។
អំឡុងពេលកើតមានអំណត់អត់ អេលីយ៉ាបានសុំឲ្យស្ត្រីមេម៉ាយម្នាក់ជូនអាហារចុងក្រោយរបស់នាងដល់លោក ។ អេលីយ៉ាបានសន្យាថា ដោយសារតែសេចក្តីជំនឿរបស់នាង នោះព្រះអម្ចាស់នឹងប្រទានអាហារដល់នាង ហើយនាងនឹងមិនដែលអស់អាហារឡើយ ។ ( សូមមើល ពង្សាវតារក្សត្រ ទី ១ ១៧ ) ។
« ពួកក្រីក្រ និងពួកកម្សត់ទុគ៌តគេរកទឹក តែគ្មានសោះ គេខះកដោយស្រេកទឹក ឯយើងគឺព្រះយេហូវ៉ា យើងនឹងតបឆ្លើយនឹងគេ យើងនេះគឺជាព្រះនៃសាសន៍អ៊ីស្រាអែល យើងនឹងមិនបោះបង់ចោលគេឡើយ » ( អេសាយ ៤១:១៧ សូមមើលផងដែរខទី ១៨ ) ។