២ ៖ រាយការណ៍

« ការដោះស្រាយតម្រូវការរបស់អតិថិជនដែលពុំបានបំពេញ ៖ រាយការណ៍ » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )

« ការដោះស្រាយតម្រូវការរបស់អតិថិជនដែលពុំបានបំពេញ ៖ រាយការណ៍ »

រាយការណ៍

ម៉ោងជាអតិបរមា ៖ ២៥ នាទី

អធិស្ឋានបើក ។

ការតាំងចិត្តពីសប្តាហ៍មុន

ក. រក្សាការតាំងចិត្ត « មូលដ្ឋានគ្រឹះរបស់ខ្ញុំ » ។

ខ. ចូលរួមនៅក្នុងការប្រកួតប្រដាប់ខ្ទាស់ក្រដាសរាយការណ៍អំពីបទពិសោធន៍របស់ខ្ញុំនាសប្តាហ៍បន្ទាប់ ។

គ. ចាប់ផ្តើមកត់ត្រាក្នុងសៀវភៅកំណត់ហេតុអាជីវកម្មរបស់ខ្ញុំរៀងរាល់ថ្ងៃ ហើយយកវាមកការប្រជុំបន្ទាប់របស់យើង ។

ឃ. ពិនិត្យមើលទំព័រ « ពិចារណា » ហើយរក្សាការតាំងចិត្តនានា ។

ង. ទាក់ទង ហើយជួយជ្រោមជ្រែងដៃគូសកម្មភាពរបស់ខ្ញុំ ។

ជំហានទី ១ ៖ វាយតម្លៃជាមួយដៃគូសកម្មភាព ( ៥ នាទី )

ចំណាយពេលពីរបីនាទីដើម្បីវាយតម្លៃការខិតខំប្រឹងប្រែងរបស់អ្នកដើម្បីរក្សាការតាំងចិត្តរបស់អ្នកនៅសប្ដាហ៍នេះ ។ សូមប្រើតារាង « ការវាយតម្លៃកិច្ចខិតខំរបស់ខ្ញុំ » នៅខាងដើមសៀវភៅសិក្សានេះ ។ បន្ទាប់មក ចែកចាយការវាយតម្លៃរបស់អ្នកជាមួយដៃគូរបស់អ្នក ហើយពិភាក្សាជាមួយគាត់អំពីសំណួរដូចតទៅនេះ ។ សូមកត់ចំណាំថា « លក់ » និង « កត់ត្រាព័ត៌មានលម្អិតអំពីហិរញ្ញវត្ថុ » គឺជាជំនាញមួយដែលយើងនឹងចាប់ផ្តើមអនុវត្ត បន្ទាប់ពីជំពូកក្រោយៗ ។

ពិភាក្សា ៖

តើអ្នកបានមានឧបសគ្គអ្វីខ្លះ ក្នុងការរក្សាការតាំងចិត្តរបស់អ្នកនាសប្តាហ៍នេះ ?

ជំហានទី ២ ៖ រាយការណ៍ដល់ក្រុម ( ៨ នាទី )

បន្ទាប់ពីការវាយតម្លៃកិច្ចខិតខំរបស់អ្នករួច សូមត្រឡប់មករួមគ្នាជាក្រុមវិញ ហើយរាយការណ៍អំពីលទ្ធផលរបស់អ្នក ។ សូមធ្វើការក្នុងក្រុម ហើយម្នាក់ៗថ្លែងថា តើអ្នកបានដាក់ខ្លួនអ្នកនូវពណ៌ក្រហម ពណ៌លឿង ឬពណ៌បៃតងសម្រាប់ការតាំងចិត្តនីមួយៗកាលពីសប្តាហ៍មុន ។ ក៏សូមថ្លែងអំពីចំនួនថ្ងៃដែលអ្នកបានអនុវត្តនូវជំនាញអាជីវកម្មគន្លឹះនីមួយៗ នៅពេលបានរាយការណ៍នៅលើតារាង « ការវាយតម្លៃកិច្ចខិតខំរបស់ខ្ញុំ » ។

ជំហានទី ៣ ៖ ចែកចាយបទពិសោធន៍របស់អ្នក ( ១០ នាទី )

ឥឡូវនេះ សូមចែកចាយជាក្រុមអំពីអ្វីដែលអ្នកបានរៀនមកពីការខិតខំរក្សាការតាំងចិត្តរបស់អ្នកអំឡុងសប្ដាហ៍នេះ ។

ពិភាក្សា ៖

តើអ្នកមានបទពិសោធន៍អ្វីខ្លះ ក្នុងការរក្សាការតាំងចិត្តរបស់អ្នកស្ដីពី « មូលដ្ឋានគ្រឹះរបស់ខ្ញុំ » ?
តើអ្នកមានបទពិសោធន៍អ្វីខ្លះជាមួយការប្រកួតប្រដាប់ខ្ទាស់ក្រដាស ? តើអ្នកបានរៀនមេរៀនអ្វីខ្លះពីបទពិសោធន៍នេះ ?
តើការធ្វើការជាមួយដៃគូសកម្មភាពជួយអ្នកយ៉ាងដូចម្តេច ?

ជំហានទី ៤ ៖ ជ្រើសរើសដៃគូសកម្មភាព (២ នាទី )

ជ្រើសរើសដៃគូសកម្មភាពម្នាក់ចេញពីក្រុមសម្រាប់សប្ដាហ៍ក្រោយ ។ ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។

ចំណាយពេលបីបួននាទីឥឡូវនេះ ដើម្បីជួបជាមួយនឹងដៃគូសកម្មភាពរបស់អ្នក ។ ណែនាំខ្លួនឯង ហើយពិភាក្សាអំពីរបៀបដែលអ្នកនឹងទាក់ទងគ្នាពេញមួយសប្ដាហ៍ ។

ឈ្មោះដៃគូសកម្មភាព

ព័ត៌មានទាក់ទង

សូមសរសេរអំពីរបៀប និងពេលវេលាដែលអ្នកនឹងទាក់ទងគ្នានៅក្នុងសប្តាហ៍នេះ ។