« ការធ្វើឲ្យប្រាកដថា ខ្ញុំមានអាជីវកម្មមួយដែលមានប្រាក់ចំណេញ ៖ រាយការណ៍ » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )
« ការធ្វើឲ្យប្រាកដថា ខ្ញុំមានអាជីវកម្មមួយដែលមានប្រាក់ចំណេញ ៖ រាយការណ៍ »
រាយការណ៍
ម៉ោងជាអតិបរមា ៖ ២៥ នាទី
អធិស្ឋានបើក ។
ការតាំងចិត្តពីសប្តាហ៍មុន
|
ក. រក្សាការតាំងចិត្ត « មូលដ្ឋានគ្រឹះរបស់ខ្ញុំ » ។ |
|
ខ. បង្កើតបញ្ជីមួយអំពីតម្រូវការរបស់អតិថិជនដែលពុំបានបំពេញចំនួនប្រាំ នៅក្នុងសៀវភៅកំណត់ហេតុអាជីវកម្មរបស់ខ្ញុំ ។ |
|
គ. បង្កើតបញ្ជីមួយអំពីអត្ថប្រយោជន៍នៃការប្រកួតប្រជែងសម្រាប់អាជីវកម្មប្រាំផ្សេងៗគ្នា នៅក្នុងសៀវភៅកំណត់ហេតុអាជីវកម្មរបស់ខ្ញុំ ។ |
|
ឃ. ពិនិត្យមើលទំព័រ « ពិចារណា » ហើយរក្សាការតាំងចិត្ត ។ |
|
ង. ទាក់ទង ហើយជួយជ្រោមជ្រែងដៃគូសកម្មភាពរបស់ខ្ញុំ ។ |
ជំហានទី ១ ៖ វាយតម្លៃជាមួយដៃគូសកម្មភាព ( ៥ នាទី )
សូមចំណាយពេលពីរបីនាទីដើម្បីវាយតម្លៃកិច្ចខិតខំរបស់អ្នក ដើម្បីរក្សាការតាំងចិត្តនានារបស់អ្នកនាសប្តាហ៍នេះ ។ សូមប្រើតារាង « ការវាយតម្លៃកិច្ចខិតខំរបស់ខ្ញុំ » ខាងក្រោមនេះ ។ បន្ទាប់មក ចែកចាយការវាយតម្លៃរបស់អ្នកជាមួយដៃគូរបស់អ្នក ហើយពិភាក្សាជាមួយគាត់អំពីសំណួរដូចតទៅនេះ ។ សូមកត់ចំណាំថា « លក់ » និង « កត់ត្រាព័ត៌មានលម្អិតអំពីហិរញ្ញវត្ថុ » គឺជាជំនាញមួយដែលយើងនឹងចាប់ផ្តើមអនុវត្ត បន្ទាប់ពីជំពូកក្រោយៗ ។
ពិភាក្សា ៖
តើអ្នកបានមានឧបសគ្គអ្វីខ្លះ ក្នុងការរក្សាការតាំងចិត្តរបស់អ្នកនាសប្តាហ៍នេះ ?
ជំហានទី ២ ៖ រាយការណ៍ដល់ក្រុម ( ៨ នាទី )
បន្ទាប់ពីការវាយតម្លៃកិច្ចខិតខំរបស់អ្នករួច សូមត្រឡប់មករួមគ្នាជាក្រុមវិញ ហើយរាយការណ៍អំពីលទ្ធផលរបស់អ្នក ។ សូមធ្វើការក្នុងក្រុម ហើយម្នាក់ៗថ្លែងថា តើអ្នកបានដាក់ខ្លួនអ្នកនូវពណ៌ក្រហម ពណ៌លឿង ឬពណ៌បៃតងសម្រាប់ការតាំងចិត្តនីមួយៗកាលពីសប្តាហ៍មុន ។ ក៏សូមថ្លែងអំពីចំនួនថ្ងៃដែលអ្នកបានអនុវត្តនូវជំនាញអាជីវកម្មគន្លឹះនីមួយៗ នៅពេលបានរាយការណ៍នៅលើតារាង « ការវាយតម្លៃកិច្ចខិតខំរបស់ខ្ញុំ » ។
ជំហានទី ៣ ៖ ចែកចាយបទពិសោធន៍របស់អ្នក ( ១០ នាទី )
ឥឡូវនេះ សូមចែកចាយជាក្រុមអំពីអ្វីដែលអ្នកបានរៀនមកពីការខិតខំរក្សាការតាំងចិត្តរបស់អ្នកអំឡុងសប្ដាហ៍នេះ ។
ពិភាក្សា ៖
-
តើអ្នកមានបទពិសោធន៍អ្វីខ្លះ ក្នុងការរក្សាការតាំងចិត្តរបស់អ្នកស្ដីពី « មូលដ្ឋានគ្រឹះរបស់ខ្ញុំ » ?
-
តើអ្នកបានរៀនអ្វីខ្លះអំពីតម្រូវការរបស់អតិថិជនដែលពុំបានបំពេញ និងអត្ថប្រយោជន៍អាជីវកម្ម តាមរយៈការនិយាយជាមួយមនុស្សនាសប្តាហ៍នេះ ?
-
តើការធ្វើការជាមួយដៃគូសកម្មភាពជួយអ្នកយ៉ាងដូចម្តេច ?
ជំហានទី ៤ ៖ ជ្រើសរើសដៃគូសកម្មភាព (២ នាទី )
ជ្រើសរើសដៃគូសកម្មភាពម្នាក់ចេញពីក្រុមសម្រាប់សប្ដាហ៍ក្រោយ ។ ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។
ចំណាយពេលបីបួននាទីឥឡូវនេះ ដើម្បីជួបជាមួយនឹងដៃគូសកម្មភាពរបស់អ្នក ។ ណែនាំខ្លួនឯង ហើយពិភាក្សាអំពីរបៀបដែលអ្នកនឹងទាក់ទងគ្នាពេញមួយសប្ដាហ៍ ។
ឈ្មោះដៃគូសកម្មភាព
ព័ត៌មានទាក់ទង
សូមសរសេរអំពីរបៀប និងពេលវេលាដែលអ្នកនឹងទាក់ទងគ្នានៅក្នុងសប្តាហ៍នេះ ។