« ការរក្សាអតិថិជន ៖ រៀន » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )
« ការរក្សាអតិថិជន ៖ រៀន »
រៀន
ម៉ោងជាអតិបរមា ៖ ៦០ នាទី
១. ការកសាងភាពស្មោះត្រង់របស់អតិថិជន
អាន ៖
មកដល់ត្រង់ចំណុចនេះ អ្នកគួរតែមានអតិថិជនយ៉ាងហោចណាស់ម្នាក់ ។ ប្រសិនបើអ្នកពុំទាន់មានអតិថិជនទេនោះ សូមផ្តោតចិត្តទុកដាក់លើការរកអតិថិជនឲ្យបានកាន់តែឆាប់កាន់តែល្អ ។
នៅពេលអ្នកមានអតិថិជន នោះអ្នកត្រូវខិតខំរក្សាពួកគេឲ្យទៀងត្រង់ចំពោះអាជីវកម្មរបស់អ្នក ។ អ្នកអាចបង្កើតភាពទៀងត្រង់តាមរយៈការទាក់ទងអតិថិជនរបស់អ្នក ស្តាប់ពួកគេ ហើយបង្កើតបទពិសោធន៍វិជ្ជមានសម្រាប់ពួកគេ ។ ការស្វែងរកអតិថិជនថ្មីអាចធ្វើឲ្យអាជីវកម្មរបស់អ្នកចំណាយច្រើនជាងអ្វីដែលវាចំណាយដើម្បីរក្សាអតិថិជនបច្ចុប្បន្ន ។
ពិភាក្សា ៖
សូមស្រមៃថា អ្នកកំពុងបើកហាងអ៊ុតសក់ក្នុងទីក្រុងមួយ ។ អតិថិជនជាច្រើនចាប់អារម្មណ៍នឹងតម្លៃ ហើយពួកគេនឹងទៅហាងណាដែលថោកបំផុត ឬហាងដែលផ្តល់គូប៉ុង ឬការលក់ ។
-
តើមានអ្វីខ្លះដែលអ្នកអាចធ្វើដើម្បីបង្កើតភាពទៀងត្រង់ដល់ហាងរបស់អ្នក ដើម្បីឲ្យអតិថិជននឹងចូលហាងអ្នក ទោះបីអ្នកពុំបញ្ចុះតម្លៃចំពោះសេវាកម្មរបស់អ្នកក្តី ?
-
តើមានអ្វីខ្លះដែលអ្នកអាចធ្វើ ដែលនឹងអនុញ្ញាតឲ្យអ្នកគិតថ្លៃល្អជាងគេបាន ?
២. ការទាក់ទងអតិថិជនរបស់ខ្ញុំ
អាន ៖
ការទាក់ទងអតិថិជនគឺជាមានន័យលើសពីការគ្រាន់តែឲ្យពួកគេកត់សម្គាល់ពីអាជីវកម្មរបស់ពួកគេ ។ វាមានន័យថា ទាក់ទងពួកគេយ៉ាងជិតស្និទ្ធ ហើយលើកទឹកចិត្តពួកគេដោយមានគោលបំណងឲ្យចូលរួមវា ។ នៅពេលអ្នកទាក់ទងអតិថិជន នោះពួកគេកើតមាននូវការជាប់ចិត្តទៅនឹងអាជីវកម្មរបស់អ្នក ហើយទទួលអារម្មណ៍នៃភាពជាម្ចាស់ ។ ពួកគេក៏កាន់តែមានភាពទៀងត្រង់ចំពោះសេវាកម្ម ឬផលិតផលរបស់អ្នកដើម្បីជំរុញអាជីវកម្មរបស់អ្នកទៅដល់អ្នកដទៃទៀត ។
សូមស្វែងរកវិធីទាក់ទងអតិថិជនរបស់អ្នកជានិច្ច ។ ពួកគេចង់បង្ហាញគំនិតរបស់ពួកគេ ចែកចាយបទពិសោធន៍ និងយោបល់សម្រាប់សេវាកម្ម និងផលិតផលថ្មីៗ ។ អ្នកអាចទាក់ទងអតិថិជនដោយផ្ទាល់ តាមរយៈបទពិសោធន៍ និងតាមរយៈបច្ចេកវិទ្យា ។ ប្រព័ន្ធផ្សព្វផ្សាយសង្គម និងអ៊ីម៉ែលគឺជាគំរូនៃរបៀបទាក់ទងអតិថិជនតាមរយៈបច្ចេកវិទ្យា ។
ពិភាក្សា ៖
សូមគិតអំពីអាជីវកម្មដែលទាក់ទងអ្នកក្នុងនាមអ្នកជាអតិថិជន ។ តើការណ៍នេះជះឥទ្ធិពលដល់ទំនាក់ទំនងរបស់អ្នកជាមួយអាជីវកម្មយ៉ាងដូចម្តេច ?
អាន ៖
ក្នុងនាមជាម្ចាស់អាជីវកម្ម សូមប្រាកដថា អ្នកត្រូវទាក់ទងអតិថិជនរបស់អ្នកក្នុងរបៀបមួយដោយគិតគូរ ដោយពិចារណា ។ ឧទាហរណ៍ ការទាក់ទងតាមរយៈអ៊ីម៉ែលអាចជាឧបករណ៍ដ៏មានប្រសិទ្ធភាពមួយ ។ ប៉ុន្តែ ប្រសិនបើអ្នកផ្ញើអ៊ីម៉ែលច្រើនពេក ឬប្រើអ៊ីម៉ែលខុស នោះអ្នកអាចរំខានដល់អតិថិជនរបស់អ្នក ឬបំពានលើទំនុកចិត្តរបស់ពួកគេ ។ បទពិសោធន៍របស់អតិថិជនអ្នកគួរតែជាអាទិភាពចម្បងរបស់អ្នក ។
៣. ការស្តាប់អតិថិជនរបស់ខ្ញុំ
អាន ៖
របៀបមួយដើម្បីបង្កើតភាពទៀងត្រង់គឺតាមរយៈការស្តាប់អតិថិជនរបស់អ្នក ។ ពេលអ្នកស្តាប់ « ផ្ចង់ចិត្ត [ របស់អ្នក ] ឲ្យបានយោបល់ » ( សុភាសិត ២:២ ) ។ ជារឿយៗ អតិថិជនរបស់អ្នកផ្តល់យោបល់ដ៏មានប្រយោជន៍ ដែលនាំទៅរកយោបល់ថ្មីៗ របៀបកែលម្អការធ្វើកិច្ចការនានា និងសេវាកម្មកាន់តែប្រសើរឡើង ។ ម្ចាស់អាជីវកម្មអាចស្តាប់អតិថិជនរបស់ពួកគេតាមរបៀបជាច្រើន ដូចមានខាងក្រោមនេះ ។
|
របៀបដែលអតិថិជនទាក់ទងជាមួយអាជីវកម្ម | |||
|---|---|---|---|
|
រូបភាព រូបតំណាងមតិដោយផ្ទាល់ មតិដោយផ្ទាល់ អតិថិជនផ្តល់មតិកែលម្អដល់ម្ចាស់អាជីវកម្ម ឬនិយោជិត ។ |
រូបភាព រូបតំណាងការនិយាយប្រាប់តគ្នា ការនិយាយប្រាប់តគ្នា អតិថិជននិយាយប្រាប់មិត្តភក្តិរបស់ពួកគេ ឬអតិថិជនដទៃទៀត ។ |
រូបភាព រូបតំណាងការរអ៊ូរទាំ រអ៊ូរទាំ អតិថិជនបញ្ជូនមតិកែលម្អអវិជ្ជមានដើម្បីបង្កើតការយល់ដឹង ឬសកម្មភាព ។ |
រូបភាព រូបតំណាងការពិនិត្យមើល និងការដាក់ពិន្ទុ ពិនិត្យមើល និងដាក់ពិន្ទុ អតិថិជនដាក់ពិន្ទុលើតម្លៃ និងសេវាកម្មនៃអាជីវកម្មមួយ ( ជារឿយៗតាមអ៊ិនធើរណែត ) ។ |
|
រូបភាព រូបតំណាងការស្ទុងមតិ ស្ទុងមតិ អាជីវកម្មសូមមតិកែលម្អពីអតិថិជន ។ |
រូបភាព រូបតំណាងប្រព័ន្ធផ្សព្វផ្សាយសង្គម ប្រព័ន្ធផ្សព្វផ្សាយសង្គម អតិថិជនប្រើប្រាស់ឧបករណ៍លើអ៊ិនធើរណែតដើម្បីចែកចាយមិតកែលម្អជាមួយនឹងទស្សនិកជនដ៏ច្រើន ។ |
រូបភាព រូបសញ្ញាការសម្រេចចិត្តទិញទំនិញ ការសម្រេចចិត្តទិញទំនិញ អតិថិជនបង្ហាញចំណង់ចំណូលចិត្ត និងតម្លៃរបស់ពួកគេតាមរយៈអ្វីដែលពួកគេជ្រើសរើសដើម្បីទិញ ឬមិនទិញ ។ |
រូបភាព រូបតំណាងការទទួលស្គាល់ និងរង្វាន់ ការទទួលស្គាល់ និងរង្វាន់ អាជីវកម្មស្វែងរកការសរសើរ ឬរង្វាន់សម្រាប់គុណភាព ឬសេវាកម្មរបស់វា ។ |
៤. ការសម្របទៅតាមការផ្លាស់ប្តូរទីផ្សារ
អាន ៖
នៅពេលអ្នកទាក់ទង ហើយស្តាប់អតិថិជនរបស់អ្នក នោះអ្នកអាចសង្កេតឃើញនូវគំនិន្នាការ ឬការផ្លាស់ប្តូរថ្មីដែលនឹងតម្រូវឲ្យអ្នកកែសម្រួលអាជីវកម្មរបស់អ្នក ។ ការផ្លាស់ប្តូរនេះអាចជាតម្រូវការ វប្បធម៌ បច្ចេកវិទ្យា ឬការប្រកួតប្រជែងរបស់អតិថិជន ។
មើល ៖
« Adjusting to Market Change » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអានអត្ថបទវីដេអូនៅចុងវគ្គនេះ ) ។
ពិភាក្សា ៖
តើនិន្នាការ ឬការផ្លាស់ប្តូរអ្វីខ្លះអាចជះឥទ្ធិពលដល់អាជីវកម្មរបស់អ្នក ? តើអ្នកឆ្លើយតបតាមរបៀបណា ?
៥. ការបង្កើតឲ្យមានបទបពិសោធន៍វិជ្ជមានដល់អតិថិជន
អាន ៖
ម្ចាស់អាជីវកម្មជោគជ័យស្វែងរកវិធីនានាដើម្បីបំពេញចិត្តអតិថិជនតាមរយៈការធ្វើឲ្យហួសពីការរំពឹងទុករបស់ពួកគេ ។ អតិថិជនចង់ឲ្យបទពិសោធន៍របស់ពួកគេមានភាពងាយស្រួល សាមញ្ញ និងចែកចាយដោយសេវាកម្មដ៏អស្ចារ្យ ។ អតិថិជនក៏ផ្តល់តម្លៃខ្ពស់លើអាជីវកម្មដែលធ្វើតាមការសន្យា ហើយគាំទ្រដល់សេវាកម្ម ឬផលិតផលរបស់ខ្លួន ។ ផ្តល់ដល់អតិថិជននូវបទពិសោធន៍ដ៏គួរឲ្យចងចាំដើម្បីទទួលជោគជ័យជាមួយនឹងការនិយាយតគ្នាអំពីការលក់ និងបង្កើនភាពទៀងត្រង់ ។