Leksyon 3 Materyal sa Pagpangandam sa Klase: Ang Damgo ni Lehi sa Kahoy sa Kinabuhi
“Leksyon 3 Materyal sa Pagpangandam sa Klase: Ang Damgo ni Lehi sa Kahoy sa Kinabuhi,” Materyal sa Magtutudlo alang sa Mga Pagtulun-an ug Doktrina sa Basahon ni Mormon (2021)
“Leksyon 3 Materyal sa Pagpangandam sa Klase,” Materyal sa Magtutudlo alang sa Mga Pagtulun-an ug Doktrina sa Basahon ni Mormon
Leksyon 3 Materyal sa Pagpangandam sa Klase
Damgo ni Lehi sa Kahoy sa Kinabuhi
Imahe
Si Lehi naggunit sa gunitanan nga puthaw
Hunahunaa ang kabahin sa mga tawo, mga organisasyon, mga site sa internet, o mga platform sa social media nga nag-impluwensya sa imong mga hunahuna, mga pagpili, ug mga binuhatan kada adlaw. Pila niini nga mga kapanguhaan ang nag-awhag kanimo sa pagsunod ni Jesukristo? Samtang magtuon ka, hunahunaa kon sa unsang paagi ang pulong sa Dios makatabang sa pagpalambo sa imong kapasidad sa paglakaw sa higpit ug pig-ot nga dalan nga mopadulong sa Ginoo ug sa mga panalangin sa Iyang Pag-ula.
Seksyon 1
Unsaon nako nga mas mabati ang gugma sa Dios sa akong kinabuhi?
Samtang ang pamilya ni Lehi “mipabilin didto sa kamingawan” (1 Nephi 8:2) atol sa ilang panaw ngadto sa gisaad nga yuta, si Lehi nakadawat og panan-awon gikan sa Dios. Sa iyang panan-awon si Lehi gigiyahan sa usa ka tawo nga nagsul-ob og maputi nga kupo ngadto sa “usa ka mangitngit ug awaaw nga kamingawan” (1 Nephi 8:1–7).
Imahe
icon, pagtuon
Pagtuon agi og Pagpangandam alang sa Klase
Basaha ang 1 Nephi 8:8–12 alang sa asoy ni Lehi bahin sa unsay iyang nakit-an human nga nag-ampo ngadto sa Ginoo alang sa kalooy.
Si Nephi sa wala madugay nakadawat og panan-awon nga susama sa iyang amahan. Sa dihang mihangyo si Nephi nga makasabot sa kahulugan sa kahoy sa kinabuhi, gipakita kaniya “ang inahan sa Anak sa Dios, sumala sa kahimtang sa unod … nagkugos og bata diha sa iyang mga bukton” (1 Nephi 11:18, 20). Mipakita dayon ang usa ka anghel aron sa pagtabang ni Nephi nga mas makasabot pa sa kahulugan sa kahoy.
Imahe
icon, pagtuon
Pagtuon agi og Pagpangandam alang sa Klase
Basaha ang 1 Nephi 11:21–22, nga mangita alang sa unsay nasabtan ni Nephi mahitungod sa kahulugan sa kahoy.
Si Elder Neal A. Maxwell sa Korum sa Napulog Duha ka mga Apostoles mitudlo: “Ang pag-ambit sa gugma sa Dios mao ang pag-ambit sa Pag-ula ni Jesus ug sa … kalipay nga ikahatag niini” (“Lessons from Laman and Lemuel,” Ensign, Nob. 1999, 8).
Si Elder Neil L. Andersen sa Korum sa Napulog Duha ka mga Apostoles miingon usab:
Imahe
Elder Neil L. Andersen
Ang pag-ambit sa bunga sa kahoy nagsimbolo usab nga atong gihangup ang mga ordinansa ug mga pakigsaad sa gipahiuli nga ebanghelyo—ang pagpabunyag, pagdawat sa gasa sa Espiritu Santo, ug pagsulod sa balay sa Ginoo aron matugahan og gahum gikan sa kahitas-an. Pinaagi sa grasya ni Jesukristo ug sa pagtahud sa atong mga pakigsaad, madawat nato ang dili masukod nga saad sa pagpuyo uban sa atong matarung nga pamilya hangtud sa kahangturan.
Dili ikatingala nga ang anghel mihulagway sa bunga isip “ang labing hingpit nga kalipay ngadto sa kalag ” [1 Nephi 11:23]. (“Bunga,” Liahona, Nob. 2019, 117)
Imahe
icon, pamalandong
Pamalandong agi og Pagpangandam alang sa Klase
Paghunahuna mahitungod sa mga pulong nga gigamit ni Lehi (tan-awa sa 1 Nephi 8:10–12) sa paghulagway sa kahoy sa kinabuhi ug sa bunga niini. Unsa ang gitudlo niini nga mga pulong kanimo mahitungod sa gugma sa Dios ingon nga gipakita pinaagi sa gasa sa Iyang Anak nga si Jesukristo?
Seksyon 2
Unsay makapugong kanako gikan kang Jesukristo ug sa mga bunga sa Iyang Pag-ula?
Dili tanang mga tawo sa damgo ni Lehi ang mitilaw sa bunga o mipabilin human sa pag-ambit niini. Atong makat-onan gikan niini nga asoy nga samtang ang pipila midumili sa pagdawat sa Manluluwas ug sa mga panalangin nga nagagikan sa Iyang Pag-ula, ang uban nakatagamtam sa Iyang kaayo ug unya mibiya gikan Kaniya tungod kay sila nabalda, naulaw, o natintal sa pagpakasala.
Imahe
icon, pagtuon
Pagtuon agi og Pagpangandam alang sa Klase
Tun-i og maayo ang 1 Nephi 12:16–18, nga mangita sa mga elemento sa damgo ni Lehi nga mipugong sa mga tawo gikan sa kahoy ug unsay nadiskrobehan ni Nephi nga gisimbolo sa matag elemento.
Ang mga tawo migunit sa gunitanan nga puthaw diha sa mga gabon sa kangitngit.
Imahe
icon, paghisgot
Hisgoti agi og Pagpangandam alang sa Klase
Uban sa tabang sa usa ka sakop sa pamilya o higala, pangita og pipila ka kasamtangang mga ehemplo sa “tubod sa tubig nga hugaw” (1 Nephi 12:16), sa “mga gabon sa kangitngit” (bersikulo 17), ug sa pagbiay-biay niadtong diha sa dako ug lapad nga gambalay. Pag-andam sa pagpaambit sa imong mga ehemplo diha sa klase.
Unsaon nako pagbatok sa tintasyon ug magpabilin nga matinud-anon ngadto kang Jesukristo?
Sa iyang panan-awon, si Lehi nakakita og tulo ka grupo sa mga tawo kinsa nagtinguha sa paglakaw sa higpit ug pig-ot nga dalan nga mopadulong sa kahoy ug sa bunga niini. Nakakita usab si Lehi og gunitanan nga puthaw nga nagsubay sa dalan nga nagpaingon ngadto sa kahoy.
Si Nephi mitudlo nga ang gunitanan nga puthaw nagrepresentar sa pulong sa Dios ug nga kadtong kinsa migunit niini “dili gayud … malaglag; ni ang mga pagtintal ug ang nagdilaab nga mga panâ sa kaaway makabuntog kanila” (1 Nephi 15:24). Si Presidente Ezra Taft Benson miila nga ang pulong sa Dios nga makita “diha sa mga kasulatan, diha sa mga pulong sa buhi nga mga propeta, ug diha sa personal nga pagpadayag” (“The Power of the Word,” Ensign, Mayo 1986, 80).
Imahe
icon, pagtuon
Pagtuon agi og Pagpangandam alang sa Klase
Samtang inyong basahon ang mosunod nga mga tudling sa kasulatan, pangitaa ang kalainan tali niadtong kinsa misalig sa pulong sa Dios ug niadtong wala.
Si Sister Ann M. Dibb, kanhi magtatambag sa Kinatibuk-ang Kapangulohan sa Young Women, mitanyag niini nga pulong sa pagdasig ngadto niadtong kinsa mibuhi sa gunitanan nga puthaw:
Imahe
Sister Ann M. Dibb
Ang paggunit ngadto sa gunitanan nga puthaw dili kanunay sayon. Kita tingali mamuhi tungod sa pag-aghat sa mga higala o sa garbo, naghunahuna nga kita makadumdom sa atong dalan pagbalik—sa dili madugay. … Si Nephi nag-ingon, “Ug daghan ang nawala sa iyang panan-aw, nahisalaag sa katingalahan nga mga dalan” (1 Nephi 8:32). Sa malisud nga mga panahon sa atong mga kinabuhi, atong mahibaloan nga kita usab “nahisalaag sa katingalahan nga mga dalan.” Pasaligan ko kamo og usab nga kini kanunay nga posible alang kanato sa pagtultol og balik sa atong dalan. Pinaagi sa paghinulsol, nga nahimong posible sa maulaong sakripisyo sa atong Manluluwas, si Jesukristo, atong maangkon og balik ug mopasalig og usab ngadto sa mas lig-on nga paggunit sa gunitanan nga puthaw ug bation ang mahigugmaon nga paggiya sa atong Langitnong Amahan pag-usab. Ang Manluluwas nagdapit kanato kanunay: paghinulsol, gunit og maayo, ug ayaw pamuhi. ( “Gunit og Maayo,” Liahona, Nob. 2009, 80–81)
Imahe
icon, pamalandong
Pamalandong agi og Pagpangandam alang sa Klase
Hunahunaa kon hain sa mga grupo nga gihulagway ni Nephi ang labing maayong nagpakita sa imong kasamtangang sitwasyon. Sa unsa nga mga paagi nga ang pulong sa Dios nagtabang kanimo nga mas maduol sa Manluluwas ug sa Iyang maulaong gahum? Aduna bay mga kausaban nga gusto nimong himoon aron mas maayo kang makagunit sa gunitanan?