Leksyon 28 Materyal sa Pagpangandam sa Klase

Duol ngadto kang Kristo

Si Kristo ug ang Adunahan nga Batan-ong Magmamando, ni Heinrich Hofmann

Si Presidente Russell M. Nelson miingon, “Ang pagtuon sa Basahon ni Mormon maoy labing magantihon kaayo kon ang tawo mag-focus sa nag-unang katuyoan niini—sa pagpamatuod mahitungod ni Jesukristo. Kon itandi, ang uban pa nga mga problema sulagma lang” (“A Testimony of the Book of Mormon,” Ensign, Nob. 1999, 69). Sa unsang paagi nga ang imong pagtuon sa Basahon ni Mormon nakatabang kanimo nga mas mapaduol ngadto ni Jesukristo? Samtang magtuon ka, pangutan-a ang imong kaugalingon kon unsa ang imong mahimo aron mas hingpit nga makaduol ngadto Kaniya.

Seksyon 1

Unsa nga gahom ang angay nakong madawat kon ako motukod sa akong pundasyon diha ni Jesukristo?

Sa mga 30 BC ang mga Nephite “nahulog ngadto sa kahimtang nga walay pagtuo ug makahahadlok nga pagkadautan” ug sila “nagkahinog na alang sa kalaglagan” (Helaman 4:25; 5:2). Naluya tungod sa kadautan sa katawhan, si Nephi mitugyan sa hukmanan ug, uban sa iyang igsoon nga si Lehi, mipahinungod sa nahibilin sa iyang kinabuhi sa pagsangyaw sa ebanghelyo (tan-awa sa Helaman 5:4). Sa wala pa sila mobiya sa ilang misyon, sila mihinumdom sa importanting tambag nga ilang nadawat gikan sa ilang amahan, si Helaman.

icon, pagtuon

Pagtuon agi og Pagpangandam alang sa Klase

Basaha ang Helaman 5:9–12, nga mangita sa unsa ang gitudlo ni Helaman sa iyang mga anak nga lalaki kabahin kon nganong kinahanglan nga itukod nila ang ilang mga kinabuhi diha sa pundasyon ni Jesukristo.

buhawi

icon, pamalandong

Pamalandong agi og Pagpangandam alang sa Klase

Gihulagway ni Helaman ang mga hagit sa kinabuhi gamit ang mga paghulagway sa mga unos. Unsa nga mga unos ang imong giatubang nga mahimo nimong magamit ang tabang sa Ginoo?

Samtang nagserbisyo diha sa Kinatibuk-ang Kapangulohan sa Relief Society, si Sister Sheri L. Dew mitudlo kon nganong si Jesukristo mao ang atong bugtong nga siguradong pundasyon:

Sister Sheri L. Dew

Kon patuyangan sa iyang kaugalingon, ang kinaiyanhon nga tawo sa kadugayan monunot ngadto ni Satanas (tan-awa sa Mosiah 3:19), kinsa mobiya sa iyang mga biktima sa higayon nga siya molit-ag kanila gikan sa higpit ug pig-ot nga dalan. Apan ang Manluluwas mogiya niadtong mosunod Kaniya hangtod makapauli sa panimalay. …

Ang Ginoo nasayod sa dalan tungod kay Siya mao ang dalan ug mao lang ang atong bugtong nga kahigayonan aron magmalampuson sa pagdumala niini nga kinabuhi. Ang Iyang Pag-ula nagpahigayon aron maanaa ang tanang gahom, kalinaw, kahayag, ug kalig-on nga atong gikinahanglan sa pagsagubang sa mga hagit sa kinabuhi—niadtong gikan sa atong kaugalingong mga kasaypanan ug mga sala ngadto sa mga pagsulay nga dili nato makontrolar apan mabati gihapon nato ang kasakit.

… Siya misaad nga kon kita motukod sa atong kinabuhi diha sa Iyang lig-on nga sukaranan, ang yawa walay gahom batok kanato [tan-awa sa Helaman 5:12]. Ug Siya nanumpa nga Siya dili gayod mobiya kanato [tan-awa sa Mga Hebreohanon 13:5]. Dayag lang nga walay mortal nga katugbang. Bisan gani og bahin sa pasalig, gahom, o gugma. Siya lang ang atong bugtong nga kahigayonan. (“Our Only Chance,” Ensign, Mayo 1999, 66–67)

icon, pamalandong

Pamalandong agi og Pagpangandam alang sa Klase

Sa unsang paagi nga ang pagtukod sa imong pundasyon diha ni Jesukristo nakatabang kanimo sa paglahutay sa mga unos nga moabot sa imong kinabuhi?

Seksyon 2

Unsa man ang akong mahimo aron makaduol ngadto ni Jesukristo?

Sa katapusang kapitulo sa Basahon ni Mormon, gidapit ni Moroni ang tanang katawhan sa pagduol ngadto kang Kristo.

icon, pagtuon

Pagtuon agi og Pagpangandam alang sa Klase

Basaha ang Moroni 10:30, 32–33, nga mangita sa unsay gisulti ni Moroni nga mga sangputanan gikan sa atong mga pagpili sa pagduol ngadto ni Jesukristo.

Si Elder David A. Bednar sa Korum sa Napulog Duha ka mga Apostoles mipasabot unsay kahulugan sa “pagduol ngadto ni Kristo” (Moroni 10:30, 32):

Elder D. Todd Christofferson

Ang pagduol ngadto kang Kristo usa ka minubo, usa ka paagi sa paghulagway sa ikaupat nga pulong sa plano sa kaluwasan. Kini nagpasabut sa pag-angkon sa mga bunga sa Iyang Pag-ula ug Pagkabanhaw—sa katapusan kinabuhing dayon. Ang kinabuhing dayon nag-agad sa paggamit sa atong moral nga kabubut-on, apan posible lang pinaagi sa grasya ni Jesukristo. Ang pagduol ngadto Kaniya nagpasabut sa pagbuhat unsay gikinahanglan nga mosalig nianang grasya—mapasayloon, makapabalaan, makapausab, matubsanon nga gahum sa Iyang walay kinutuban, maulaon nga sakripisyo. (“Ngano nga Atong Ipakigbahin ang Ebanghelyo,” Liahona, Ago. 2014, 28)

kamot nagkab-ot ngadto sa kahayag

Si Presidente Tad R. Callister, kinsa miserbisyo isip Kinatibuk-ang Presidente sa Sunday School, mipasabot sa grasya sa Ginoo sa ingon niining paagiha:

Presidente Tad R. Callister

Tungod sa Iyang Pag-ula, ang Manluluwas adunay makapalig-on nga mga gahom, usahay gipasabot nga grasya [tan-awa sa Giya ngadto sa mga Kasulatan, “Grasya,”; scriptures.ChurchofJesusChrist.org], nga makatabang nato nga mabuntog ang atong mga kahuyang ug mga limitasyon ug sa ingon makatabang nato sa atong proseso nga mahimong mas sama Kaniya.

Si Moroni mitudlo: “Oo, duol ngadto kang Kristo, ug paghingpit diha kaniya, … pinaagi sa iyang grasya kamo mahimo nga hingpit diha kang Kristo” [Moroni 10:32]. Ingon og adunay dili mominus duha ka mga paagi o pamaagi sa paggamit niadtong makapalig-on nga mga gahum nga makalunsay—bisan makahingpit—kanato.

Una, ang makaluwas nga mga ordinansa. … Usahay, kita maghunahuna sa mga ordinansa nga usa ka listahan—nga gikinahanglan alang sa kahimayaan; apan sa tinuod ang matag usa naghatag og diosnon nga gahum nga makatabang nato nga mahimong mas sama ni Kristo. …

Ang ikaduha nga paagi alang niining makapalig-on nga mga gahom mao ang mga gasa sa Espiritu. Tungod sa Pag-ula ni Kristo, kita mahimong makadawat sa gasa sa Espiritu Santo ug sa nag-uban niini nga espirituhanong mga gasa. Kini nga mga gasa mao ang mga hiyas sa pagkadiosnon; busa, sa matag higayon nga kita makaangkon og gasa sa Espiritu, kita mahimong mas sama sa Dios. (“Ang Pag-ula ni Jesukristo,” Liahona, Mayo 2019, 85)

icon, pamalandong

Pamalandong agi og Pagpangandam alang sa Klase

Hunahunaa ang mahitungod sa unsa ang imong matuman gamit ang makapalig-on nga gahom, o grasya. Unsay imong buhaton aron madapit ang grasya ug tabang sa Ginoo sa imong kinabuhi?

Seksyon 3

Sa unsa nga paagi nga ang Basahon ni Mormon nakaimpluwensya sa imong pagpamatuod ni Jesukristo ug nakatabang nimo nga mas maduol ngadto Kaniya?

Sa dihang giminubo ni Moroni ang rekord sa Jaredite nga karon kabahin na sa Basahon ni Mormon, siya mipahayag sa iyang kabalaka nga ang magbabasa sa umaabot, “mobiay-biay niini nga mga butang, tungod sa among pagkahuyang diha sa pagsulat” (Ether 12:23). Ang Ginoo mihupay ni Moroni pinaagi sa pagpahayag, “ang akong grasya igo alang sa maaghup, nga sila dili magpahimulos sa inyong kahuyang” (Ether 12:26). Dayon si Moroni nag-ampo alang sa mga Hentil, mipamatuod nga siya nakakita ni Jesus, ug mitanyag og usa ka importanting pagdapit ngadto sa tanan kinsa sa katapusan mobasa sa Basahon ni Mormon (tan-awa sa Ether 12:36–41).

batan-ong babaye nga nagbasa sa Basahon ni Mormon

icon, pagtuon

Pagtuon agi og Pagpangandam alang sa Klase

Basaha ang Ether 12:41, ug ikonsiderar kon unsaon kaha nimo pagsanong ang pagdapit panahon niining kurso.

icon, irekord

Irekord ang Imong mga Hunahuna

Samtang mangandam ka alang sa katapusang klase, hunahunaa ang kabahin kon sa unsang paagi nga ang Basahon ni Mormon nakatabang kanimo sa pagduol ngadto kang Kristo ug mahimong mas sama Kaniya. Ilha ang piho nga mga hunahuna, mga pagbati, ug mga impresyon, o mga kasinatian nga nakadugang sa imong pagpamatuod ug napalawman ang imong pagkakabig. Irekord ang Imong mga Hunahuna.

Aron makaandam alang sa imong katapusang adlaw sa klase, pagpili ug kompletoha ang usa sa mosunod nga mga kalihokan:

• Opsyon 1: Pagpili og usa ka tudling o pagtulun-an gikan sa Basahon ni Mormon nga nakapaimpluwensya gayod sa pagtabang nimo sa pagduol ngadto kang Kristo, ug irekord kon sa unsang paagi nga kini nakaimpluwensya kanimo.

• Opsyon 2: Pag-ila og usa ka indibidwal diha sa Basahon ni Mormon kansang ehemplo nakatabang kanimo aron mas masabtan kon unsa ang kahulogan sa pagduol ngadto kang Kristo, ug irekord unsa ang imong nakat-onan.

• Opsyon 3: Pamalandongi kon sa unsang paagi nga ang imong bag-ohay nga pagtuon sa Basahon ni Mormon nakadasig nimo sa pagduol ngadto kang Kristo. Irekord kon sa unsang paagi nga ang imong pagpamatuod milambo ug sa unsang paagi nga ang imong pagkakabig ngadto sa Manluluwas napalig-on.

Human sa pagrekord sa imong mga hunahuna ug mga pagbati, mainampuon nga mokonsiderar kon kinsa kaha ang mapanalanginan sa unsay imong nasulat ug ipaambit kini ngadto kanila. Pangandam usab sa pagpaambit sa imong mga hunahuna atol sa klase.

Gusto pa og Dugang? (Opsyonal)

Unsa ang mga katapusang mga pulong ni Moroni diha sa Basahon ni Mormon?

Asa ako makakat-on pa og dugang mahitungod sa pagtukod diha sa sukaranan ni Jesukristo?

Si Elder Neil L. Andersen sa Korum sa Napulog Duha ka mga Apostoles mipasabot kon sa unsang paagi nga ang pagtukod sa atong mga kinabuhi diha sa pundasyon ni Jesukristo makatabang kanato nga makalahutay sa espirituhanong alimpulos nga atong atubangon.

Elder Donald L. Hallstrom

Unsaon nako sa paghimo nga ang pagduol ngadto kang Kristo mahimong kabahin sa akong inadlaw-adlaw nga kinabuhi?

Elder Jeffrey R. Holland

Sa pakigpulong nga “Mga Butang nga Guba Gipang-ayo” (Liahona, Mayo 2006, 69–71), Si Elder Jeffrey R. Holland sa Korum sa Napulog Duha ka mga Apostoles mitubag sa pangutana “Unsaon man sa tawo pagduol ngadto ni Kristo’?”