፩ በስሜ የምትታወቁ ህዝቤ ሆይ፣ አድምጡ ይላል ጌታ አምላካችሁ፤ እነሆ ቁጣዬ በአማጸኞች ላይ ነዷል፣ እናም በአህዛብ ላይ በሚመጣው የጉብኝት እና የመዓት ቀን፣ ክንዴን እና ቁጣዬን ያውቃሉ።

፪ መስቀሉን አንስቶ የማይከተለኝ፣ እና ትእዛዛቴን የማያከብረው፣ እርሱ አይድንም።

፫ እነሆ፣ እኔ ጌታ አዛለሁ፤ እና ትእዛዝን ሰጥቼ እና ትእዛዜም ከተሰበረ በኋላም የማይታዘዘውም በራሴ ጊዜ ይቆረጣል።

፬ ስለዚህ፣ እኔ ጌታ መልካምም እንደመሰለኝ አዝዛለሁ እሽራለሁም፤ እናም፣ ጌታ እንዲህ ይላል፣ ይህም ሁሉ በሚያምጹት ራስ ላይ ይመለስላቸዋል።

፭ ስለዚህ፣ ለአገልጋዮቼ ቶማስ ቢ ማርሽ እና እዝራ ቴይር የሰጠሁትን ትእዛዝ እሽራለሁ፣ እና ለአገልጋዬ ቶማስ ወደ ሚዙሪ አገር ፈጥኖ እንዲጓዝም አዲስ ትእዛዝን ሰጥቼዋለሁ፣ እና አገልጋዬ ሴላ ጄ ግርፍን አብሮት ይሄዳል።

፮ ምክንያቱም እነሆ፣ ቶምሰን ውስጥ ባሉት ህዝቤ አንገተ ደንዳናነት እና በእነርሱ አመጽ ምክንያት ለአገልጋዮቼ ሴላ ጄ ግርፍን እና ኒውል ናይት የሰጠኋቸውን ትእዛዝ እሽራለሁ።

፯ ስለዚህ፣ አገልጋዬ ኒውል ናይት ከእነርሱ ጋር ይቆይ፤ እና በፊቴ የሚጸጸቱ እና ወደ መረጥኩት ምድር በእርሱ ተመርተው የሚሄዱት ሁሉም ይሂዱ።

፰ እና ደግሞም፣ እውነት እላችኋለሁ፣ አገልጋዬ እዝራ ቴይር ለኩራቱ እና ራሱን ለመውደዱ ንስሀ መግባት፣ እናም ስለሚኖርበት ስፍራ በፊት የሰጠሁትን ትእዛዝ ማክበር አለበት።

፱ እና ይህን ቢያደርግ፣ በምድሩም ላይ መከፋፈል ስለማይኖር፣ ወደ ሚዙሪ አገር እንዲሄድም ይመረጣል፤

፲ አለበለዚያም፣ የሰራዊት ጌታ እግዚአብሔር እንዲህ ይላል፣ የከፈለውን ገንዘብ ይቀበላል፣ እናም ከስፍራው ይሄዳ፣ ከቤተክርስቲያኔም ይቆረጣል፤

፲፩ እና ምንም እንኳን ሰማይ እና ምድር ቢያልፉም፣ እነዚህ ቃላት አያልፉም፣ ነገር ግን ሁሉም ይፈጸማሉ።

፲፪ እናም አገልጋዬ ጆሴፍ ስሚዝ ዳግማዊም ገንዘቡን መክፈል ቢኖርበትም፣ እነሆ፣ እኔ ጌታ መልሼ በሚዙሪ አገር ውስጥ እከፍለዋለሁ፣ እና እርሱ የሚቀበላቸውም ባደረጉት መጠን ደግመው ዋጋቸውን ይቀበላሉ፤

፲፫ በውርስ መሬቶቻቸውም እንኳ ቢሆን ባደረጉት መጠን ይቀበላሉ።

፲፬ እነሆ፣ ጌታ ለህዝቤ እንዲህ ይላል—እናንት ብዙ የምታደርጉት እና ንስሀ የምትገቡባቸው ነገሮች አሉአችሁ፤ እነሆ፣ ኃጢአቶቻችሁ ወደ እኔ መጥተዋል፣ እና ይቅርታም አልተሰጣቸውምና፣ ምክንያቱም በገዛ መንገዳችሁ ምክርን ስለምትሹ ነው።

፲፭ እናም ልባችሁም አልረኩም። እናም እውነትን አታከብሩም፣ ነገር ግን ፅድቅ ባልሆነው ትደሰታላችሁ።

፲፮ ንብረታችሁን ለድሆች የማትሰጡ እናንት ባለጠጎች ወዮላችሁ፣ ሀብቶቻችሁም ነፍሳችሁንያዝላሉና፤ እና በጉብኝት እና በፍርድ እና በቁጣም ቀንም ለቅሶአችሁ ይህ ይሆናል፥ የአዝመራ ወቅት አለፈ፣ በጋም አለቀ፣ እና ነፍሴም አልዳነም!

፲፯ ልባችሁ ያልተሰበሩ፣ መንፈሶቻችሁም ያልተዋረዱ፣ እና ሆዳችሁ ያልሞላና፣ የሌሎች ሰዎች ንብረቶችን ከመያዝ እጆቻችሁን ያላቆማችሁ፣ አይኖቻችሁ በስግብግብነት የተሞላና፣ በእጆቻችሁ የማትሰሩ ድሀ ሰዎችም ወዮላችሁ!

፲፰ ነገር ግን ልባቸው ንጹህ የሆኑ፣ ልቦቻቸው የተሰበሩ፣ እና መንፈሶቻቸው የተጸጸቱ ድሆች ግን ብፁዓን ናቸው፣ ምክንያቱም ለደህንነታቸው የእግዚአብሔር መንግስት በሀይልና በታላቅ ክብር ሲመጣ ይመለከታሉና፤ የምድርም ስብ ለእነርሱ ይሆናልና።

፲፱ እነሆ፣ ጌታ ይመጣል፣ እናም ሽልማቱም ከእርሱ ጋር ይሆናል፣ እና ለእያንዳንዱን ሰውም ዋጋውን ይሰጠዋል፣ እና ድሀውም ይደሰታልና፤

፳ ትውልዶቻቸውም ምድርን ከትውልድ እስከ ትውልድ፣ ከዘለአለም እስከ ዘለአለም ድረስ ይወርሳሉ። እና አሁን የምነግራችሁን እፈፅማለሁ። እንዲሁም ይሁን። አሜን።