O a mea e mafai ona ou aoao mai ia Peresitene Monson e uiga i le mulimuli i le Agaga?

Ua saunoa mai Peresitene Thomas S. Monson: “E leai se aso e mou atu ae ou te lei fesootai atu i lo’u Tama i le Lagi e ala i le tatalo. O se sootaga ou te faamemelo i ai— a aunoa ma lea o le a ou leiloa lava. Afai e le o i ai ia te oe i le taimi nei sea sootaga ma lou Tama i le Lagi, ou te uunaia oe ia galue i lena sini. A o e faia lena mea, o le a e aia i Ana musumusuga ma le taitaiga i lou olaga—o mea e manaomia mo i tatou taitoatasi pe afai tatou te fia ola faaleagaga i la tatou malaga i lenei lalolagi. O ia musumusuga ma taitaiga o ni meaalofa Na te foai fua mai ia i tatou pe afai tatou te sailia. Ni oa ina a maoae! E faamaualaloina pea lava a’u ma faafetai pe a fesootai mai lo’u Tama Faalelagi ia te au e ala i Ana musumusuga. Ua ou aoao e iloa, faatuatuaina, ma mulimuli ai” (“Tutu i Nofoaga Paia,” Ensign po o Liahona, Nov. 2011, 84).

Saunia oe lava ia faaleagaga

E faapefea ona faamanuiaina lou olaga e ala i le mulimuli i musumusuga a le Agaga Paia? E faapefea ona uunaia oe e ala i le faataitaiga a Peresitene Monson i lea tulaga?

O iloa e le autalavou o loo e faiaoga ai le ala e maua ai ma mulimuli i uunaiga faaleagaga? E faapefea ona fesoasoani le aoao e mulimuli i uunaiga a le Agaga Paia i le autalavou i le taimi nei ma le lumanai? E mafai faapefea ona uunaia i latou i le faataitaiga a Peresitene Monson?

Suesue ma le agaga tatalo mau ma punaoa nei. O a mea e fesoasoani i le autalavou e aoao mai ai i le faataitaiga a Peresitene Monson e uiga i le faatino e ala i uunaiga a le Agaga Paia?

Faataoto 3:5–6 (Afai tatou te faatuatua i le Alii, o le a Ia taitaiina o tatou ala)

1 Nifae 3:7 (Ua saunia e le Alii le ala mo i tatou e faataunuuina ai mea ua Ia poloaiina i tatou e faia)

2 Nifae 32:1–5 (Ua faaali mai e le Agaga Paia ia i tatou mea e tatau ona tatou faia)

MF&F 8:2–3 (E tautala mai le Agaga Paia i o tatou mafaufau ma loto)

Thomas S. Monson, “Savali i le Taeao o le Aso Sa,” Ensign po o le Liahona, Nov. 2012

Thomas S. Monson, “Tutu i Nofoaga Paia,” Ensign po o le Liahona, Nov. 2011, 82–86 (o le tala e uiga i le faapaiaina o le Malumalu o Frankfurt Siamani)

Thomas S. Monson, “Mea e Manatuaina i le Tapeneko,” Ensign po o Liahona, Me 2007, 41–42 (o le tala e uiga i le lagona musuia e tuuina atu se lauga o le konafesi i se teineitiiti o loo nofonofo i le faapaologa)

Jeffrey R. Holland, “Peresitene Thomas S. Monson: I Tulaga Aao o le Matai,” Ensign, Iuni 2008, 2–16 (tagai i le vaega ua faaautuina “O Le Faamaoni i Uo ma i le Alii”)

Videos: “Mulimuli i Uunaiga a le Agaga,” “Mulimuli Pea Lava Pea i Uunaiga a le Agaga”

1:51

2:40

Aoao atu i le ala a le Faaola

Na aoao mai Iesu Keriso, “O la’u mataupu, e le o sa’u lava, a o lana na auina mai a’u. Ai se tasi e fia fai lona finagalo, e iloa e ia le mataupu, pe mai le Atua, pe ou te tautala fua lava a’u” (Ioane 7:16–17). E faapefea e le loloto o lou usiusitai ona fesoasoani ia te oe ia iloa le moni o le aoaoga faavae o loo e aoao atu?

Ia fai fesootaiga

I nai minute muamua o vasega taitasi, fesoasoani i le au talavou e fai ni fesootaiga i le va o mea o loo latou aoaoina i tulaga eseese (e pei o suesuega faaletagata, seminare, isi vasega i le Lotu, po o aafiaga ma a latou uo). E faapefea ona e fesoasoani ia i latou ia iloa le manaomia o le talalelei i aso taitasi o le olaga? O manatu nei e ono fesoasoani ia te oe:

Valaaulia taitasi le autalavou e sue se mau sa ia faitauina lata mai ma faailoga ma faasoa i le vasega. Fai atu ia i latou ia taitasi ma faasoa mai mea ua faafiafiaina ai o ia e uiga i le fuaiupu.
Faasoa i le autalavou le faamatalaga mai ia Peresitene Thomas S. Monson i le amataga o lenei otootoga. O a mea ua faafiafiaina ai i latou i lenei faamatalaga? O a tala e mafai ona mafaufau i ai le autalavou lea na maua ai ma faatino e Peresitene Monson ia uunaiga a le Agaga Paia?

Aoao faatasi

O gaoioiga taitasi o loo i lalo o le a fesoasoani i le autalavou e aoao ai mai i le faataitaiga a Peresitene Monson i le mulimuli i uunaiga faaleagaga. I le mulimuli ai i le uunaiga a le Agaga Paia, filifili se tasi pe sili atu o le a sili ona aoga mo lau vasega:

Tuu atu ia tofu talavou taitasi ma se tala e uiga i le mauaina ma le mulimuli o Peresitene Monson i uunaiga mai le Agaga Paia (e pei o mea na na fautuaina mai i lenei otootoga). Fai atu i le autalavou e faitau ma otooto a latou tala ma mea na latou aoaoina e uiga i le faatino o musumusuga. Fai atu i le autalavou e faasoa mai aafiaga na latou galulue ai e tusa ma uunaiga ma na faamanuiaina.
Valaaulia le autalavou e faitau mau o loo avatu i lenei otootoga ma tusi se faamatalaga puupuu e aotele ai mea ua aoao mai e mau taitasi e uiga i le mulimuli i uunaiga a le Agaga. Faitau faatasi se tala se tasi pe sili atu e uiga ia Peresitene Monson ua fautuaina mai i lenei otootoga, ma fai atu i le autalavou e faalogo mo auala na faataitaia ai mau na latou faitauina. O a mea e mafai ona faia e le autalavou ia latou talia lelei ai uunaiga faaleagaga?
Fai atu i le autalavou e mafaufau loloto i fesili o loo i lalo a o latou faitau i tala e uiga ia Peresitene Monson ua fautuaina mai i lenei otootoga: Aisea e faigata ai i nisi taimi ona faatino uunaiga mai le Agaga Paia? E faapefea ona tatou faatoilaloina nei faigata? O a faamanuiaga e oo mai mai le mulimuli i uunaiga? Valaaulia i latou e faasoa soo se malamalamaaga ua latou maua mai le faataitaiga a Peresitene Monson. O a mea e mafai ona latou faia e mulimuli ai i lena faataitaiga?

Fai atu i le autalavou e faasoa mai mea ua latou aoaoina i le aso. O a ni o latou lagona po o ni uunaiga? Pe ua latou malamalama i le pogai e taua ai le galue i uunaiga a le Agaga Paia? Pe o i ai ni a latou fesili faaopoopo? Mata e aoga le faaaluina o se isi taimi i lenei autu?

Valaaulia e faatino

Fesili i le autalavou po o a ni mea ua musuia i latou e fai ona o mea sa latou aoaoina i le aso. Fautuaina i latou e faatino na lagona. Saili le Agaga a o e mafaufau ma le agaga tatalo i ni auala e mafai ai ona e tulitataoina.