O le a le uiga o le faasoa atu o le molimau?

O se molimau o se molimau faaleagaga, e tuuina mai e le Agaga Paia, i le moni aiai o le talalelei. Pe a tatou faasoa atu a tatou molimau, tatou te ta’u atu i isi mea ua tatou iloa e moni e ala i le mana o le Agaga. O le faavae o se molimau o le iloa lea o loo soifua le Tama Faalelagi ma e alofa ia i tatou, o Iesu Keriso o lo tatou Faaola, ma ua toefuatai mai Lana talalelei e ala mai i le Perofeta o Iosefa Samita, ma o Le Ekalesia a Iesu Keriso o le Au Paia o Aso e Gata Ai o le Ekalesia moni a le Faaola.

Saunia oe lava ia faaleagaga

E faapefea ona uunaia oe e ala i molimau a isi? Na faapefea i le tuuina atu —aloaia pe faasamasamanoa—o lau molimau ona faamalosia ai? O a aafiaga e mafai ona e faasoa atu i le autalavou?

O anafea na e molimauina ai le tuuina atu e le autalavou o a latou molimau i se tulaga—aloaia pe faasamasamanoa foi? O a avanoa e mafai ona e tuu atu i le autalavou e molimau ai?

Suesue ma le agaga tatalo mau ma punaoa nei. O a mea o le a fesoasoani i le autalavou e malamalama ai i le uiga o le tuuina atu o molimau?

Mataio 16:13–19; Mosaea 3:17; Alema 5:45–48; 7:13; MF&F 76:22–24 (Faataitaiga o molimau i tusitusiga paia)

Alema 4:18–20 (O le mana o le tuuina atu o molimau)

Alema 11:39–41; 12:1; 15:12 (O le molimau a Amoleka sa mamana se uunaiga o Seseroma)

Henry B. Eyring, “O Molimau Mo Le Atua,” Ensign, Nov. 1996, 30–33

Dieter F. Uchtdorf, “O Le Mana o se Molimau Patino,” Ensign po o le Liahona, Nov. 2006, 37–39.

DallinH. Oaks, “Molimau,” Ensign po o le Liahona, Me 2008, 26–29.

“Ia Fai Soo [Lau] Molimau,” Talai La’u Talalelei (2004), 215–216

“Tuu Atu Soo Lau Molimau,” Aoao Atu i le Ala a le Faaola (2016), 11

Vitio: “O se Tasi e le o iai le Taleni o le Failauga,” “Molimau o Thomas S. Monson”; tagai foi Mataupu Faavae ma Feagaiga ma Punaoa o Ata Vaaia o Talafaasolopito o le Ekalesia (DVD)

5:59

1:33

Ia fai fesootaiga

I nai minute muamua o vasega taitasi, fesoasoani i le au talavou e fai ni fesootaiga i le va o mea o loo latou aoaoina i tulaga eseese (e pei o suesuega faaletagata, seminare, isi vasega i le Lotu, po o aafiaga ma a latou uo). E faapefea ona e fesoasoani ia i latou ia iloa le manaomia o le talalelei i aso taitasi o le olaga? O manatu nei e ono fesoasoani ia te oe:

Valaaulia le autalavou e faasoa mai se aafiaga lata mai na faamalolosia ai a latou molimau.
Fai atu i le autalavou e vaai faalemafaufau i se uo ua latou valaaulia i le lotu i le Aso Sa molimau, ma na vaaaulia tagata o le uarota e le epikopo e faasoa a latou molimau. E faapefea ona latou tali atu pe a fesili mai le latou uo, “O le a le uiga o le tuuina atu o le molimau?” Pe a talafeagai ai, faasino atu le autalavou i le vaega ua faaulutalaina “Tuu Atu Soo Lau Molimau” i le Aoao Atu i le Ala a le Faaola, itulau 11, po o le lauga a Elder Dallin H. Oaks “Molimau.”

Aoao faatasi

O gaoioiga taitasi o loo i lalo o le a fesoasoani i le autalavou e malamalama i le uiga o le faasoa atu o le molimau. I le mulimuli ai i le uunaiga a le Agaga, filifili se tasi pe sili atu o le a aoga mo lau vasega:

Valaaulia le autalavou e faitau le vaega ua faaautuina “O Le A se Molimau?” mai le saunoaga a Peresitene Dieter F. Uchtdorf “O Le Mana o se Molimau Patino.” Fai atu i le autalavou e fai se lisi po o le a le molimau ae o le a foi e lē o se molimau, e faavae i mea sa latou faitauina. Valaaulia i latou e faasoa mai ni aafiaga i se tasi sa latou faalogo o faasoa mai se molimau i se auala na faamalosia ai lo latou faatuatua ma le molimau.
Valaaulia le autalavou e faitau le vaega II o le saunoaga a Elder Dallin H. Oaks “Molimau,” vaavaai mo mea e tutusa ai ma eseese ai le molimau ma isi ituaiga o malamalamaaga. O a mea e mafai ona faia e le autalavou ia faamalolosia ai lo latou malamalamaaga i upumoni o le talalelei?
Valaaulia le autalavou e sue faataitaiga o tagata o loo faasoa a latou molimau i tusitusiga paia (e pei o i latou o fautuaina mai i lenei otootoga). A o latou faasoa mai mea na latou maua, fautuaina i latou e talanoaina auala eseese e mafai ona faasoa ai a latou molimau (e aofia ai auala aloaia ma auala faasamasamanoa) Matamata le vitio “Molimau a Thomas S. Monson.” Fai atu i le autalavou e faasoa mai mea ua latou aoaoina mai ia Peresitene Monson e uiga I le faasoaina atu o le molimau.

1:33
Valaaulia le autalavou e faitau “Ia Fai Soo Atu [Lau] Molimau” ma faauma le gaoioiga o loo i ai mo le suesueina patino i le Talai La’u Talalelei, itulau 215–216. Fai atu ia i latou e faasoa o latou malamalamaaga i le vasega. E faapefea ona latou faaaoga mea na latou aoaoina i le isi taimi e tuu atu ai a latou molimau (e pei o totonu o se sauniga lotu po o se talanoaga ma se uo)?
Faaali le vitio “O se tasi e le o iai le Taleni o le Failauga.” Fai atu i le autalavou e faasoa mai se aafiaga na latou ootia ai ona o se molimau faamomoiloto faigofie a se tasi. O le a le mea patino i lena molimau na ootia ai o latou loto?

5:59

Fai atu i le autalavou e faasoa mai mea na latou aoaoina i le aso. Pe ua latou malamalama i le ala e tuu atu ai molimau? O a ni o latou lagona po o ni uunaiga? Pe o i ai ni a latou fesili faaopoopo? Mata e aoga le faaaluina o se isi taimi i lenei autu?

Motugaafa faafaiaoga

“O molimau e masani ona mamana pe a faapuupuu, manino, ma tuusa’o” (O Le Aoao Atu, E Leai Se Isi Valaauga E Sili Ai [1999], 45).

Valaaulia e faatino

Valaaulia le autalavou e vaavaai mo avanoa e tuu atu ai molimau—i se tulaga aloaia pe faasamasamanoa foi—i le vaiaso a sau. Fai atu ia i latou e faasoa mai o latou aafiaga i se vasega i le lumanai.

Fautuaina le autalavou e tusi a latou molimau i a latou api o talaaga.