E mafai faapefea ona ou saunia ina ia ola tutoatasi i mea tautupe?

Ua faamanuiaina i tatou e le Alii i punaoa, ma ua Ia faamoemoe ia i tatou ia avea ma ni tausimea atamamai i nei punaoa. E finagalo o Ia ia tatou ola tutoatasi i mea tautupe ina ia mafai ona tatou tausia i tatou lava ma auauna atu i isi. Ina ia faia lenei mea, e tatau ona tatou totogi le sefuluai ma taulaga, aloese mai aitalafu e le manaomia, faaaoga tatau tupe, ma ola i mea ua tatou maua.

Saunia oe lava ia faaleagaga

Ua mafai faapefea ona faamanuiaina lou olaga a o e mulimuli i le fautuaga a taitai o le Ekalesia e uiga i le ola tutoatasi i mea tautupe? Aisea e te talitonu ai o le ola tutoatasi o se mataupu faavae taua o le talalelei toefuataiina?

O le a se mea e manaomia e le autalavou ona aoao e uiga i le tausia o i latou lava ma isi? O le a faapefea ona faamanuiaina i latou ma o latou aiga i le lumanai e ala i le mulimuli i le fautuaga ina ia ola tutoatasi i mea tautupe?

O a mau ma isi punaoa o le a fesoasoani i le autalavou e malamalama ai i le taua o le ola tutoatasi i mea tautupe ma saunia i latou ia ola faautauta i mea tautupe?

Malaki 3:10–11 (Faamanuiaga o le sefuluai)

2 Nifae 9:30, 51; Iakopo 2:13–14, 17–19; Alema 1:29–30; 4:6–8 (E tatau ona tatou faaaoga oa e faamanuia ai isi)

MF&F 19:35 (Ua faatusatusa e le Alii le aitalafu i le saisaitia)

Robert D. Hales, “ Ia Avea ma E Tuuina Atu ma le Faautauta Mea e Manaomia Faaletino ma le Faaleagaga, ” Ensign po o le Liahona, Me 2009, 7–10; tagai foi i le vitio “Avea ma E Saunia Mea Tatau Uma”

2:35

“Aitalafu,”Faamaoni i le Faatuatua (2004), 13–14

“Sefuluai ma Taulaga,” Mo le Malosi o le Autalavou (2011), 38–39

Ia Saunia Mea Tatau Uma: O Mea Tautupe a le Aiga (tamaitusi, 2007).

Ia fai fesootaiga

I nai minute muamua lava o vasega taitasi, fesoasoani i le autalavou e faia fesootaiga i le va o mea latou te aoaoina i nofoaga eseese (e pei o suesuega faaletagata lava ia, seminare, isi vasega faale-Lotu, po o aafiaga ma a latou uo). E mafai faapefea ona e fesoasoani ia i latou ia iloa le taua o le talalelei i o latou olaga i aso taitasi? E mafai ona fesoasoani manatu nei:

Valaaulia le autalavou e faasoa mai se mea na latou aoao mai a latou suesuega faaletagata o tusitusiga paia.
Fai i le autalavou e faamatala mai pe faapefea e ni meafaigaluega faapitoa ona aoga ae matautia foi, e faalagolago i le auala e faaaogaina ai (e pei o se mailei isumu, samala, po o se tusi o tauvaga; atonu e te manao e aumai se tasi o nei aitema e avea o se mea faitino). Faaali atu i le autalavou ni tupe ma fai atu ia i latou e faamatala mai aoga lelei ma le le lelei o tupe. E mafai faapefea ona faaaoga tupe e faamanuia ai isi ma faaleleia ai le galuega a le Alii?

Aoao faatasi

O gaoioiga taitasi nei e mafai ona fesoasoani i le autalavou ia malamalama ai i le taua o le ola tutoatasi i mea tautupe. I le mulimuli ai i le taitaiga a le Agaga, filifili se tasi pe sili atu o le a aoga mo lau vasega:

Tusi le fuaitau lenei mai ia Elder Robert D. Hales i le laupapa: “O upu e lima e sili ona agalelei o le ‘Ou te alofa ia te oe,’ ae o upu e ono e sili atu ona aglelei… o le ‘Ta te le gafatia le tau.’” Valaaulia le autalavou e faitau le tala a Elder Hales e uiga i le faatauina o se ofu mo lona toalua (i lana saunoaga “ Ia Avea ma E Tuuina Atu ma le Faautauta Mea e Manaomia Faaletino ma le Faaleagaga”), pe faaali le vitio “ Avea ma E Saunia Mea Tatau Uma.” fai atu i le autalavou e mafaufau ma faasoa mai ni mafuaaga talafeagai ua taua e Elder Hales ia upu “Ta te le gafatia le tau” o ni upu sili ona agaalofa e ono. O a faamanuiaga e oo mai ona o le ola i mea ua tatou maua? E mafai faapefea e le autalavou ona mulimuli i le faataitaiga a Sister Hales? E faapefea ona fesoasoani lana faataitaiga ia i latou pe afai e faaosoosoina i latou e ola ia sili atu i mea ua latou maua?

2:35
Valaaulia le vasega e fai ni lisi se lua i le laupapa: o le tasi e faamatalaina mea ua tau mai e le lalolagi ia i tatou e uiga i tupe a o le isi e faamatalaina mea ua tau mai e le Alii ia i tatou e uiga i tupe. Fai atu ia i latou e faitau mau ua tuuina mai i lenei otootoga, ma vaai mo mea e mafai ona latou faaopoopo i lisi. Fai atu i le autalavou po o a mea e mafai ona latou faia nei e amata ai ona ola i mea ua aoao mai e le Alii e uiga i tupe. Valaaulia i latou e tusi o latou manatu i le laupapa. Tuu atu i le autalavou e filifili se manatu se tasi mai le lisi latou te mananao e amata ona galulue ai i lenei vaiaso. Valaaulia i latou e faasoa mai a latou fuafuaga pe afai latou te mananao ai.
Valaaulia se tasi o le vasega e faitau MF&F 19:35. Aisea e faatusa ai e le Alii le aitalafu i le saisaitia? Fai atu i le autalavou e faitau “Aitalafu” i le Faamaoni i le Faatuatua. Valaaulia le afa o le vasega e vaai mo mafuaaga e tatau ai ona tatou aloese mai le aitalafu, ae fai atu i le isi afa e vaai mo le fautuaga pe faapefea ona aloese mai le aitalafu. Fai atu ia i latou e aoao e le tasi le isi i mea ua latou aoaoina ma pe aisea latou te lagona ai e taua i le Alii lo tatou aloese mai aitalafu. E faapefea ona aafia lo tatou faaleagaga i le ala tatou te taulimaina ai a tatou tupe?
Fai atu i le autalavou pe o le a lo latou manatu pe o le a se mea o le a tau mai e le Au Peresitene Sili e uiga i le taulimaina o a tatou tupe. Tusi o latou manatu i le laupapa. Tuu atu i tagata uma o le vasega se kopi o le tamaitusi Ia Saunia Mea Tatau Uma: O Mea Tautupe a le Aiga . Faitau faatasi le savali mai le Au Peresitene Sili. O le a le fautuaga ua tuuina mai e le Au Peresitene Sili e faatatau i tupe? O a faamanuiaga ua latou folafola mai? Tofi tagata taitasi o le vasega e faitau se tasi o “Faavae o Tupe a le Aiga” ma fai se aotelega i ana lava upu mo le isi vaega o le vasega. E mafai faapefea e le autalavou ona faaaoga nei mataupu faavae i le taimi nei? Faasoa mai aafiaga na e maua i le faaaogaina o nei mataupu faavae, ma valaaulia le autalavou ia faia foi faapea.

A maea ona faataunuuina se tasi o gaoioiga nei, tuu atu le taimi i le autalavou i le vasega e amata ona faatumu le “Pepa o Galuega o le Paketi” i le tamaitusi Ia Saunia Mea Tatau Uma: O Mea Tautupe a le Aiga. E mafai ona latou faatatau lenei pepa o galuega i a latou tupe maua pe faaaoga foi ni fuainumera faalemafaufau. Fautuaina i latou e saili fautuaga ma le taitaiga mai o latou matua.

Fai atu i le autalavou e faasoa mai mea ua latou aoaoina i le aso. Pe ua lava lo latou malamalama i le taua o le ola tutoatasi i mea tautupe ina ia faamalamalama atu ai i isi? Pe o i ai ni a latou fesili faaopoopo? Mata e aoga le faaaluina o se isi taimi i lenei autu?

Tomai e suesue ai le talalelei

Suesuega mo le aoaoga faavae. I le vaega lenei, ua valaaulia le autalavou e suesue mau ia iloa ai mea ua aoao mai e le Alii e uiga i tupe. A o latou faitauina mau valaaulia i latou e vaai mo le aoaoga faavae (po o upumoni faavavau) ua aoao mai e mau. Fautuaina i latou e fai fesili e pei “O le a le mea ua ou aoao e uiga i le aoaoga faavae? Pe eseese ma le mea na ou manatu ma aoao muamua i ai? Pe ua ia uunaia au e sui se mea i lou olaga?” Fautuaina le autalavou e faaaoga fesili faapena i taimi o a latou suesuega faaletagata lava ia o tusitusiga paia.

Valaaulia e faatino

Fesili i le autalavou po o a ni mea ua musuia i latou e fai ona o mea sa latou aoaoina i le aso. Uunaia i latou e faatino na lagona. Mafaufau i ni auala e mafai ai ona e tulitataoina.