Me: Perofeta ma Faaaliga
“Matou te talitonu i mea uma na faaali mai e le Atua, mea uma ua ia faaali mai nei, ma matou te talitonu foi o le a ia faaali mai le tele o mea silisili ma le taua tau i le Malo o le Atua i le lumanai” (Mataupu Faavae o le Faatuatua 1:9).
Ua fesoasoani otootoga o lenei iunite i le autalavou ia faaleleia ai o latou tomai e aoao mai ma aoao atu e uiga i faaaliga a le Alii, e aofia ai vaega na i tusitusiga paia ma afioga a perofeta soifua e oo lava i faaaliga patino ua i ai i le autalavou e ala mai i le Agaga Paia. Fautuaina le autalavou i lau vasega e fesili mai ni fesili i mea ua latou aoaoina, ia saili e aoao atili ai, ma aoao isi i mea ua latou maua.
