Novema: Ola Tutoatasi Faaleagaga ma Faaletino
“Aua ua i totonu ia te i latou le mana, lea ua latou pule ai ia te i latou lava” (MF&F 58:28).
O le a fesoasoani ia otootoga o i lenei iunite e atinae ai e le autalavou ni tomai latou te manaomia ia ola tutoatasi faaleagaga ai. O le a latou aoaoina foi le uiga o le ola tutoatasi faaletino. Ina ia manumalo i faaosoosoga o feagai ma i latou i aso uma, latou te manaomia le mauaina o a latou lava molimau—o le a le mafai ona faalagolago i taimi uma i molimau a isi. E mafai ona e fesoasoani ia i latou ia aoao i le auala e maua ai tali i fesili o le talalelei ma maua a latou lava molimau o le upumoni. A amata ona latou ola tutoatasi, o le a latou lava saunia e auauna atu ma tausia isi e le tagolima.
