“Chapit 39: Yo Konsakre Tanp Kirtland la: Janvye–Mas 1836,” Istwa ki nan Doktrin ak Alyans (2002), 151–54
“Chapit 39,” Istwa ki nan Doktrin ak Alyans, 151–54
Chapit 39
Yo Konsakre Tanp Kirtland la
(Janvye–Mas 1836)
Senyè a te kòmande Sen yo pou yo bati yon tanp nan Kirtland. Sen yo te travay di pou bati Tanp Kirtland la. Yo te fini kèk nan sal yo.
Apre sa a, Sen yo te fè premye reyinyon nan tanp lan. Papa Joseph Smith te beni dirijan Legliz yo nan reyinyon an. Papa Joseph te Patriyach Legliz la.
Lè sa a, Joseph te fè yon vizyon ekstrawòdinè. Li te wè wayòm selès syèl la. Wayòm selès la se kote Bondye rete a. Joseph te wè kijan wayòn selès la te bèl. Li te wè Papa ki nan Syèl la ak Jezi. Joseph te wè Alvin, frè l ki te mouri a.
Joseph te aprann kèk bagay sou timoun ki mouri anvan laj uitan. Jezi te di yo pral nan wayòm selès la.
Gen lòt moun ki pral viv sou tè a e ki p ap tande pale apwopo levanjil la.
Kèk nan moun sa yo tap kwè levanjil la si yo te konnen l. Moun sa yo kapab ale nan wayòm selès la.
Alafen, Tanp Kirtland nan te fini. Lè a te rive pou yo te konsakre tanp lan. Sa vle di yo tap bay Senyè a tanp lan. Yo tap sèvi avèk li sèlman pou travay Senyè a. Sen yo te fè yon reyinyon espesyal pou yo te konsakre tanp lan.
Anpil Sen te vin nan reyinyon an. Yo te kontan anpil poutèt yo te gen tanp lan. Sen yo te chante e priye Papa ki nan Syèl la. Yo te pwomèt pou yo fè sa Pwofèt la ak lòt dirijan Legliz la te di yo pou fè.
Joseph Smith te li yon priyè pou konsakre tanp lan. Lè sa a, tanp lan te vin yon batiman sakre. Se te kay Senyè a. Te gen anj nan Tanp Kirtland nan jou sa a. Sentespri a te la avèk Sen yo. Se te yon gwo jou.